Inuit Uqausingit
Ukiuqtaqtulimaami katimajirjuat Kanatami ikajurumaningita kinguvariaqtauninga Ulaasiami Sukatkami
Unikkaat Inuit Uqausinginni unikkaangummata Inuit silarjuami ikajurasuarninginnik Sukatkami inunginnik.
Taimaak Ukiuqtaqtulimaami Silarjuami Inuit katujjiqatigiingit (ICC-kut) ikajurasuaqtiummata: tamarmik Inuit piliriqatigiinningigut amma ikajurasuarningigut nauukkut nunarjuami killiliuqtausimagaluaqpata.
Taakkua unikkaat pigiaqtitaulauqsimajut sivulliqpaami ukiuqtaqtumiulimaat Inuit katimarjuarniqaqtillugit Utqiagvikmi 1977,mi...
Ulaasiami ICC-kut sivullirmi qanuilisimalirningit
Uqalimaagaup qaanganiittut ajjiliaviniit sivulliqpaami katigiuqtillugit ICC-kut 1976,mi. Naqillugu uqalimaakkannirumaguvigit tuqquqtuqsimajut!
Uqalimaagaup qaanganiittut ajjiliaviniit sivulliqpaami katigiuqtillugit ICC-kut 1976,mi. Naqillugu uqalimaakkannirumaguvigit tuqquqtuqsimajut!
Utqiagvik, 1977
"Inupiat atulauqtut tisamanik saimmatinik”
Taakkua saimmatiit tukiqatitaulauqtut sivulliqpaatsiami ukiuqtaqtumiutait Inuit silarjuami katimanirilauqtanganut.
Katimagiuqtillugit Utqiami (Puaru), Alaaskami, Eben Hopson katiqatiqarumalauqsimammat inulimaanik silarjuami.
Sitamanik saimmatinik takuksautitsilauqsimajut katimarjuarniqaqtillugit Inuit nunaliit Alaaskami, Kanatami, Kalaallit Nunaani, amma Sukatkami.
Niriunniqaluaqtillugit, Ulaasiamiut Inuit katimarjuaqataujunnalauqsimangittut 1977,mi pijjutaulluni aturiaqangitangit ingirranikkut amma tusaumaqatiqanginnikkut Ulaasiamiunik amma asinginnik pingasunik nunarjuanik.
ICC-kut sivulliqpaami saqqitaulauqsimajut ilautillugit pingasuinnait nunalirjuat: Alaska, Kanata, amma Kalaallit Nunaat. Kisiani, ICC-kut taimanna piusiqarumalaungittut - pinasuqatiginginnalauqtavut Inuit nunaliit Ulaasiami ungataanut quliit.
Iqaluit, 1983
1983,mi, ukiuqtaqtumi silarjuami Inuit katujjiqatigiinga quviasulauqsimangittut Inuit Sukatkamiut katimarjuaqtunigunnalaunginninginnik.
Kisiani, maanna arraagugijavut nalliutisimammat ICC-kut nalunaiqsilauqtillugit Ulaasiamit Inuit iniksaqainnaqullugit katimanikkut.
Tamatuminga tusaqtitsiliramik, ICC-kut angajuqqaangit tuksirammarilauqsimajut Ulaasiami inunnik - ilagiinik, amisunik, katiqattaqullugit - katimaqataunikkut.
ICC-kut angajuqqaanga Hans Pavia Rosing amma Alaaskami katimaqataujuq Kailap Pangikaui uqalimalauqsimajuuk tusagaksalirinikkut katimaqatautillugit Saipiariumi inungit. Sapummijaugutiliit: Inuit Takunnaraksalirijikkungit.
ICC-kut angajuqqaanga Hans Pavia Rosing amma Alaaskami katimaqataujuq Kailap Pangikaui uqalimalauqsimajuuk tusagaksalirinikkut katimaqatautillugit Saipiariumi inungit. Sapummijaugutiliit: Inuit Takunnaraksalirijikkungit.
Katimarjuarniqaqtillugit 1983,mi, tamarmik Ulaasiap saimmatinga amma iksivautanga inuqarani saniani saimmatiit saniani pingasut silarjuami Inuit nunalirjuat, nalunangigutaullutik ICC-kut piniarniqaninganik tamatumunga angirutiqariaq; Tamarmik Inuit, nunaqqatigiingittut kiggaqtuqtaulutik saimmatinut.
Aujangani 1988, ukiuqtaqtulimaami Inuit katujjiqatigiingata, ICC sivuliuqtingit umiarjuakkuuqtut Sukatkamut apirijaqtuqsutik Ulaasiap gavamanginnik inungit ilagiliutijauqullugit ICC-kunnut.
Nunaaramik Anaturmut (Anadyr), Ulaasiami, ICC-kut tunngasuttitaummarilauqtut sivuliqtinginnut nunalinginnit.
"Sukatkamit mumiqtiqalauqtuq tunngasuttitsilauqtunik amma mumiqtiqatsiaqtualuullutik qilaujjaqsutillu inngiqsutillu. Nunaranik tuniuqqaqtaulauqtut amma tamarmikasak tunijaullutik nunaranik katinngajunik.”
"There was a dance group from Chukotka who welcomed us with some beautiful dances to the accompaniment of drums and songs. Flowers were distributed and almost all of us received a beautiful bouquet."
Sivulliqpaatsiami arraaguit amisualuit aniguqsimaliqtillugit Inuit silarjuamiut quviasuqatigiigunnalauqsimajut tauqsiqatigiinnikkut iliqqusiminik katinngallutik.
1989,mi, Inuit Sukatkamiut katimaqataulilauqsimajut ICC-kut katimarjuarniqaqtillugit Sisimiumi, Kalaallit Nunaani.
Ulaasiap gavamangit upagunnaqtitsilaurmata nalagiatuinnaqtunik katimajunik, tunngasuttilauqtavut qanulimaaq.
Nalunaikkutaq 1989,mi ICC-kut katimarjuarniqaqtillugit. Ajjilianga: ukiuqtaqtulimaamut katimajirjuat Kanatami papatangit.
Nalunaikkutaq 1989,mi ICC-kut katimarjuarniqaqtillugit. Ajjilianga: ukiuqtaqtulimaamut katimajirjuat Kanatami papatangit.
"Utituarutta [Sukatkamut], tusaqtilaaqtavut isumagijattinnik ilaulaurnitta, sunanillu takulaurnittinnik amma sunanik tusalaurmangaatta [ICC-kut katimarjuarniqaqtillugit]. Ajjigiikasatsianik piusiqaratta, ajjigiillaringittunik uqausiqaraluaqsuta, kisiani amisunik ajjigiikasannik piqqusiqatugut, pijjutivullu ajjigiitsutik, akaungiliutivullu ajjigiittut, aviksimagutigingitavut…”
"When we come back [to Chukotka], we will share our impressions, what we have seen here and what we have heard [at the ICC General Assembly]. I think we have much in common, despite different dialects we have, we find that we have many common traditions, common issues to discuss, common problems, there is not much that divides us..."
- Apiqsuqtaunivininga Nadezda Sudakova, Ulaasiami katimaqataulauqtuq niruarunnarnatik 1989,mi katimarjuarniqaqtillugit Sisimiuni, Kalaallit Nunaani.
Inuuvik, 1992
Inuit Sukatkamiut katimajuniiqataugunnalauqtuugaluat katimarjuarniqaqtillugit ICC-kut 1989,mi, kisiani 1992,mi katimaqataallattaujunnaqsilauqsimajut amma niruarunnarniqaliqsutik.
Takujunnaqtatit sivulliqpaatsiami angajuqqaangit Sukatkami suumiani: Alexander Omrypkir amma Nadezda Sudakova.
Kinguniani 1992 katimarjualauqtillugit, ICC-kut, ICC pinasualauqtut saqqititsigiaq ICC-kut Ulaasiami allaviksanganik ikajurviugajaqtillugu inunginnik. Ullumi, taanna allavinga taijaujuq ICC Sukatka.
Uggunaqtuugaluaq, Inuit Ulaasiamiut suli ullumi inuugasuarnikkut aqsurumata.
Ulaasiami inugasuarusingit kajusitsiangivalliatuinnaqtillugit, inungit Sukatkamiut aqsuruqpalliatuinnarmata inuugasuarnikkut.
Ulaasia nunanginni katammarilaurmata inuugasuarusingigut
1991,mi, Ulaasiamiut katammarilaurmata inuugasuarusingit. Gavamangit suralaurmata, ammalu ikajuqtaujjusingit annaumagutauvattut inunginnut isuillillutik.
"Kiinaujalirinikkut isuillijummariulauqtut tukiqarunnaiqsutik Ulaasiami, kiinaujangitalu akilluangingit asijjiqtarliqsutik, taimaimmat niuviaksait akitturiaqsutik amma amigaqsaliqsutik, imaak niuvirviqutiliit niuviaksaqutiminik tigumiammariliqsutik akitturiaqujimut niuviaksanik. Kiinaujalianginnik amma innaqsiutinginnillu akiliqtaunnirmangaata qaujimanani - akiliqtaullutillu nappainnanginnik.”
"The banking chaos across Russia, with sharp variations in currency rate exchanges, has fuelled price increases and shortages, as storekeepers hold back their goods for more favourable prices. Salaries and pensions - if these have been paid at all - have been reduced by half."
Kingunitsiangani Ulaasiami sunalimaat annaumagutiit isuillilauqtillugit, umajurirunnatsialauqsimangimmata amma niqiit niuviaksait amigaliqsutik Ulaasialimaami. Gavamakkut sugiallagutigilauqsimajanga imaak niqinik kamagijauniqaqullugit tamainnut atuinnauqullugit akittuluaqunagit.
Qilamiapik, niaqujaq akitturiarniqalauqsimajuq 600%,mut.
Qaujimagutiksaqangitsialauqtut sivuniani qanuq asijjiqtarniamangaata ulluuniaqtuni. Kinaujait akilluangit sunaugunnairunnaqsutik ullukkut.
Ikajuqsigutiksaqangitsialauqtut atuqtaujunnaqtunik, allaat aqsururnaqtuqaqtillugu uvvaluunniit kinguniani.
Nunaliit ukiuqtaqtuuninginni ungasittuni aqsururnaqtukkulaurmijut asingititut Ulaasiamiutut allaat ikajuqtaujjutiksaqanginniqsaullutik. Nunaliit qujanaaqtautsiaqsutik iqqanaijaaksaqarunnaiqsutillu. Inuit nuugunnanginningit aqsururjualiqsutik ikajuqtaunatik, amma nunaqaqqaaqsimajut piluaqsutik.
Ulaasiami maligaqtigut nuutausimammata nunaqaqqaaqsimajut raamiami inugiattunut nunalinnut nuutaullutik nunanginnit amma isuilligutaulluni piqqusinginnut suurlu rainniurnik uumajuqsiusuguninginnut. Sukatkasiut Inuit aturunnaiqsimajut immikkut annaumagunnaqpanaurnirminik amma immikkut annaumagasuarunnaillillutik piqqusituqavinirmitut. Uqsualuk, niqiillu, amma qanuingitsiarasuarnirmut ikajuqtaujjutiit kamagijaummata rasiami gavamanut.
Ullumi, ikajuqsijausimanginnamik, pirliraqpalliajut.
Qanuilingalirninga Provideniya, 1999. Ajjinguaq: Harald Finkler (DIAND/ICC Kanatami).
Qanuilingalirninga Provideniya, 1999. Ajjinguaq: Harald Finkler (DIAND/ICC Kanatami).
Puruvitinija, 1994
1994,mi, ICC-kut angajuqqaangit katimajit katimaniqalauqtut Puruvitinijami (Provideniya), Ulaasiami, kamagijaqasutik pijjutilinnik nunaqaqqaaqsimajut aqsururutiqaninginnik Sukatkami.
Tamakkua katimaniviniit miksaanuangajut atuinnaujut Kanatami ICC-kut titiqqatuqanik papattivinni.
ICC-kut, ICC angajuqqaangit katimajiit uqalimaqatiqalauqsimajut kiggaqtuqtinginnik Ulaasiami gavamanginnik amma nunaqaqqaaqsimajut katujjiqatigiinginnik. Tamarmik katiqatiqatsiarumalauqtut ICC-kunnik, tukisititsigiaqsutillu aqsururnaqtukkuqtummariuninginnik inungita Sukatkamiuti.
'Asinginni ukiuqtaqtumi silarjuami nunaliit taimaatsainnakasak aqsururutiqaqtut, kisiani … Sukatkami piluaqtuq pijjutaullutik gavamangit amma kiinaujaliurasuarusingita qanuilinganingingit Ulaasiami.'
Taisumani katimatillugit, ICC Kalaallit Nunaanit piliriaqalauqsimammata qanuingitsiarasuarnilirinirmut ikajurutiksanik Sukatkami - kisiani tamarmik ICC-kut ikajurumaniqammarilauqtut. Kisiani, 1994,mi, piliriaqaniqpaulauqtugut sangatsigiaq gavamanik amma qinirnirmut kiinaujanik ICC-kut allavinganut Ulaasiami. ICC Kanatami isumaqalaurmata ikajuqsigiaq sivuniksami, kisiani piviksaqariaqalauqtut parnaigiaq amma kiinaujanik piruqsaigiaq.
'Sukatkami inungit sukkuugiallalilauqsimammata aturunnaiqpallianirminik nunaqaqqaaqsimajuullutik piqqusituqaminik iliqqusirminik … [uvanga ajaurivunga] aisimikkut piliriqatiqaqullugit tamainnik nunaqaqqaaqsimajut timiqutinginnik Sukatkami.'
ICC-kut sivuliqtingit aniliqtut katimajunit isumaliqsutik imaak: ikajurunnaqpugut pinasuqatiqanikkut Sukatkami nunaqaqqaaqsimajut katujjiqatigiinginnik.
Sukatkami akaungittukkummarilauqtut ajuqsarnikkut arraaguni amisuni
Amma akaungittukkuqtummariulauqtillugit akaungilliriatuinnarillutik tuavirnaqtukkut
Ukiukkut tuavirnaqtukkuurniq
"Sukatkamiut nunaqaqqaaqsimajut akaunginniqpaakkurniqalirmata maannami.”
"The native people of Chukotka find themselves in their darkest hour."
- Liutmila Ainana, Angajuqqaaq Jupik katujjiqatigiinginnut Sukatkami, 1999.mi. Ajjinguaq: Harald Finkler (DIAND/ICC Kanatami).
- Liutmila Ainana, Angajuqqaaq Jupik katujjiqatigiinginnut Sukatkami, 1999.mi. Ajjinguaq: Harald Finkler (DIAND/ICC Kanatami).
Kiinaujaliurutiit isuillirjuarmata amma attanaqtukkuuliqsutik ukiukkut aqsururnaqtummarialuulauqsimajuq nunalint Ulaasiami atuqtutuqauliqtillugit 1990,tit.
Ungasittumiutauniqsait ukiuqtaqtumi Ulaasiami, Sukatkami (Chukotka), Kamsakkami (Kamchatka), amma Makatami (Magadan), ungasittumiutaummata amma ikkinaqtummarialuulluni ukiukkut. Illurjuaqaratik, qanuingitsiarasuarnikkullu ikajuqtaujjutikmaqaratik, amma tusaumaugutiqatsiangimmarittut.
Ulaasiami katujjiqagiingit nunaqaqqaaqsimajut ukiuqtaqtumi (RAIPON) Kanatamut ikajuqtaugumalauqsimajut 1998,mi. Ikajuqtaugumalauqsimajut tuavirnaqtukkut ukiuqtaqtulirinirmut Katimajinit, ICC-kunnut, amma allat Kanataup gavamakkunginnit.
Silarjuami katujjiqatigiit tuavirnaqtulirinirmut, International Federation of the Red Cross tusaruminaluangittunik tusaqtitsilauqsimajut 1999,mi ikajuqtaukkannirumanirmut (tukisigiakkannirumaguvit uqalimaraksauvut ICC Kanatami titiqqatuqanik papattiviani) imaak:
"Amisualuit nuugialilauqsimammata, sivulliullutik luuttaat; amma nuungittut attarnaqtukkurniqpaunialiqsutik qanuqturitiksaqatsiangillutik kisiani annagasuarlutik ikkinaqtummarialummi annaumagutiksaqangillutik atuluaqtunik annaumanirmut.
Taimaitillugit nunalinginni inuugasuarusingit, nunaqaqqaaqsimajuit Inuit, Ivnik (Evenk), Kuarjak (Koryak), Suksi (Chukchi), Iskimut (Eskimo), amma Aluit (Aleut)) amma ilagiit nuunnikuit kiinaujaliurasuaqsutik aqsuruluanguarmijut annaumagasuarnikkut.”
"Mass migration has started, with doctors among the first to move; those persons who stay are the most vulnerable who have few options but to attempt to survive the extremely hostile conditions with little or no replenishment of basic supplies.
Under these conditions, the Indigenous people (Inuit, Evenk, Koryak, Chukchi, Eskimo, and Aleut) as well as families of economic migrants are desperately hard-pressed to survive."
Nunaliit ungasittumi nigiqpasiani Ulaasiap, attanaqtukkuqtut amma ungasittumittut ikajuqtaujarialiit, silarjuamit ikajuqtaujarialiit - amma qilammikkut ikajuqtaujarialiit.
Kanatami katujjiqatigiit pilirigiaqaliqtut.
Tuavirnaqtuqaqtillugu ikajurutiksait
Ukiaksaangani 1998, ukiuqtaqtumiunut kiggaqtuqti Miali Saiman (Mary Simon) katititsilauqsimajuq katimajirusinginnik gavamait amma gavamaungittut katujjiqatigiinginnik maguaquliqsugit aqsuruqtunik Ulaasiami. Nuvipiri 1998,mi, Kanatamit tuavirnaqtulirijikkut ikajurumaninga angiqtaulauqsimajuq Ulaasiap angajuqqaanganut.
Pinasuaqatiqanikkut silarjuami amma Ulaasiami tuavirnaqtukkut ikajuqtinik, Russian Red Cross, tamakkua katujjiqatigiit piliriqatigiilauqtut iqajuqsutik ukiuqtaqtunganirmiunik Ulaasiap, pigiarviqasutik Sukatkamik:
Kanatami Ikajuqtit Aqsurummariktuqatillugu (Canadian Red Cross)
ICC Kanatami
(ICC Canada)
Kanataup Gavamangit
Pingasulingajut gavamait Kanataup gavamakkunginningaaqtut ikajuqsilauqtut tuavirnaqtuqaqtillugu ikajuqtiujunik: CIDA, DIAND, and DFAIT.
"Nunaqaqqaaqsimajut ikajuqtaujuksaummata tuavirnaqtuqaqtillugu, pimmariuluaqpuq kiggaqtuqtingit katujjiqatigiit piliriqataukpata IFRC/RCC aulatauninginnut. Nunaqaqqaaqsimajut isumagijaujumangimmijut ikajuqtaugumalutik qinujituinnaugiangit. Kisiani, ilaullattaaqattarumajut pilirianut mianiqsinikkut namminiq aqsururutigijaminik amma parnailutik kamajunnaqsigiaq akaungiliutaujunik.”
"As Indigenous Peoples are a major target for humanitarian assistance, it is particularly important that their representative organizations be involved in the IFRC/RCC operation. The Indigenous Peoples do not want to be seen solely as passive recipients of aid. Instead, they wish to be actively involved in this project as a means of managing their own crisis and building their own capacity."
- 1999 ICC Canada/RAIPON/Canadian Red Cross tuksiraninga CIDA-kunnit. Takulugit atingit titiraqsimajut Kanatami ICC-kut titiqqatuqarnik papattiviani.
"Allaat tuavirnaqtuqaqtillugu ikajuqtiit, Red Cross/Red Crescent aqsurutigijaraluangit kisiani amisungittunut ikajutaumata isulittaqsutillu, imaak asururutaujut ikajuqtaugunnariaq niriugutiksait, ikajurnikkuk inunginnik, amma utiqtitsigasugiaq upigusunninginnik kinaunirmut attarnaqtuminniqpaummata silarjuami.”
"Even if Red Cross/Red Crescent efforts only effect lives in the short term, such efforts still bring hope, a sense of people who care, and a semblance of dignity to the growing number of the world's most vulnerable."
- Margareta Wahlstrom, titiraqtiujuq kamajiullunilu tuavirnaqtuqatillugu pirluaqinikkut pilirinikkut IFRC,ni, apiqsuqtaujuq RadioFreeEurope/RadioLiberty-kunnut, Marji 1999.
Taijaugusinga tusagaksaninniku uvani Christian Science Monitor, Januari 8, 1999,mi.
Taijaugusinga tusagaksaninniku uvani Christian Science Monitor, Januari 8, 1999,mi.
Taijaugusinga tusagaksani Nunatsiap tusagaksanginni, Januari 8, 1999,mi.
Taijaugusinga tusagaksani Nunatsiap tusagaksanginni, Januari 8, 1999,mi.
Janrakinat (Yanrakynnot), Januari 8, 1999. Ajjinguaq: Harald Finkler (DIAND/ICC Kanatami).
Janrakinat (Yanrakynnot), Januari 8, 1999. Ajjinguaq: Harald Finkler (DIAND/ICC Kanatami).
Ikajuqtut qangatasukkut Jialunaimi (Yellowknife), Januari 5, 1999. Ajjinguaq: Harald Finkler (DIAND/ICC Kanatami).
Ikajuqtut qangatasukkut Jialunaimi (Yellowknife), Januari 5, 1999. Ajjinguaq: Harald Finkler (DIAND/ICC Kanatami).
Taijaugusinga tusagaksani Yialunaimit (Yellowknifer), Januari 8, 1999.
Taijaugusinga tusagaksani Yialunaimit (Yellowknifer), Januari 8, 1999.
Parnaksimalauqsimajugut tuavirnaqtukkut iqajurutiksanik tujuigiaq Sukatkamut nunnguani arraagup, kinguniagullu kamagiarniarlutik akuniujumut turaangajunik ikajurutiksanik ukiuqtatuanut Ulaasiap. Tamanna tuaviqtukkut ikajuriqalaurniq qaujimajauniqalauqtuq Inuit tuavirutingit, "The Inuit Express.”
Sunanik kinngumatsivat inungit Sukatkamiut? Sunait aullaqtitautsautigigiaqaqpat?
Niqiit, qipiit, patiujait, amma ikajurutiksait tuavirnaqtukkuqtuqaqtillugu amma sunarrutingit ikajurutiksait - tamarmik tamakkua aullaqtitaulauqsimajut aatuvuap mittarvianit usiliqtuqtaulluni qangatasuuq akiliqtuqtaunatik ikajuqtinut amma iqqanaijaqtinginnut ICC Kanatamit, Inuit Tapiriit Kanatami, Kanatamilu tuavirnaqtuqatillugu ikajuqtiinit, ilirijituqakkunnillu ikajuqtaullutik. Iqqanaijaqtivut allaat malittiqalauqsimajut ilaminik puuqtuiqataujuksanik tuavirnaqtukkut.
Puuqtuqsimajut ICRC niqiit ajjikasangit tunijaulaqtut pilirinikkut tamatumia. Naqillugu takugiallagumaguvit tukisigiarviksanik tuavirnaqtulirijinit, Red Cross ikajurutausimajunik. Ajjinguaq: Kanatami tuavirnaqtulirijikkut, Canadian Red Cross.
Puuqtuqsimajut ICRC niqiit ajjikasangit tunijaulaqtut pilirinikkut tamatumia. Naqillugu takugiallagumaguvit tukisigiarviksanik tuavirnaqtulirijinit, Red Cross ikajurutausimajunik. Ajjinguaq: Kanatami tuavirnaqtulirijikkut, Canadian Red Cross.
Tukiliaqtumiittut tuqqutuijut iqsivinnut niqinik ajjigiinik: patur, palauraaq, immut, tariuq, mamaqsautik, piruqtuviniit uqsunga, tii, ullakutugait, amma palaugatsajait niqiit, paasta. Tamakkua niqiit ilagiliutigajaqtillugit niqituqanginnut inungita Sukatkami pirliraliqtillugit.
Hannalanginniittut iqsiviit ikajurutiksanik puuqtuqsimajut ajjaqtaullutik First Air-kunnut timmijuuq Boeing 727. Inunnut namminirijaujut, First Air akiliititsilualauqsimangittut.
Qangatasuuq parnanaiqsimalilauqsimajuq Tisipiri 18,mi ajjaqsigiaq quviasugvimmut. Kisiani, Kanatami kiggaqtuqtit (Canadian Embassy) isumaliulauqsimajut (pilirijut parnaktut taimaiqujingikkaluaqtillugit) kinguvariaqujilauqsimammata Januarimut.
Quviasugvimmut naammanaqsigiarniq ikajurutiksanik
Januari 5,mi, Inuit tuavirutingit, Inuit Express, aullaqtitaulauqsimajut Aatuvuamit.
Qangatajumilauqtut iqqanaijaqtingit ICC Kanatamit, Kanatamilu tuavirnaqtuqaqtillugu ikajuqtiit, sitakkut (CIDA), amma inulirijituqakkut.
Qangatasuuq miqattalauqtuq Jialunaimut amma Akuritmut ingirrasillutillu Bering Strait-kut Sukatkamut. Nuqqariatamaat, Inuit nunalinnit upaqattalauqtut ikajuriaqtut piliriangujunut.
Taakkua Inuit Express tikilaqtut Anaturmut, Sukatkamut Januari 6,mi -
Quviasugvimmi unnuanguliqtumi tikittut Ulaasiamut!
Ulaasiami nalunaikkutaq. Kikkutuinnarnuangajuq.
Ulaasiami nalunaikkutaq. Kikkutuinnarnuangajuq.
"Tamarmik piliriqatausimajulimaat tamatumunga qujalijut gavamanik amma ikajurutiksanik Ulaasiami tuniuqqainikkut. Iqajurutiksait tunijaugiaqamata ikajuqtaugiaqammarittunut, gavamanuungittuq.”
"All involved in this project appreciate the political and practical difficulties in Russia of distributing aid. It must go to the people who need it, not to governments."
Anadyr,mit, ajjaqtuqtut ikajurutiksanik nallikitalauqsimajut qulimiguulikkut inukittumut, ungasittullutillu juuppimut amma saksimut ukiuqtaqtuani paasiap. Kanatami tuavirnaqtuqaqtillugu ikajuqtiujut upalauqsimajut Lavrantijamut (Lavrentiya) amma Inurminumut (Enurmino), ICC-kut upattillugit Sirinikimut (Sireniki) amma Janrakinatmut (Yanrakynnot).
Siriniki (Sireniki), Januari 7, 1999. Ajjinguaq: Harald Finkler (DIAND/ICC Kanatami).
Siriniki (Sireniki), Januari 7, 1999. Ajjinguaq: Harald Finkler (DIAND/ICC Kanatami).
Pijjutaulluni Ulaasiap gavamangita kajusitsiarunnairningit aqsururnalauqtuq ikajurutiksanik tunisigiaq ikajuqtaugiaqaniqpaanut.
Sivuliuqtiit ICC Ulaasiamit amma RAIPON-kut ingirraqatigilauqtavut ikajurutiksanik ajjaqsilta ikajuqtaugiaqaniqpaanut nunalituqatsajait nunalinginnut. Ungataanut 1,300 Inuit ikajurutiksanik tunijaulauqtut annaumagutiksanginnik.
Janrakinat (Yanrakynnot), Januari 8, 1999. Ajjinguaq: Harald Finkler (DIAND/ICC Kanatami).
Janrakinat (Yanrakynnot), Januari 8, 1999. Ajjinguaq: Harald Finkler (DIAND/ICC Kanatami).
Kanatami ICC-kut katiqatiqalauqtut amisunik nunalinni inunginnik, nunaqaqqaaqsimajullu sivuliuqtinginnik, amma gavamanginni Ulaasiap pilirinirmini nunanginni.
Aqsurummarilauqtugut ajuinnaqsuta tukisigasuariaq akaungiliutinginnik amma isumaalugutigijanginnik ikajurutigijunnaqtattinnik.
Ikajuriaqtuqsimajut utilauqtut nunaminut Januari 11,mi Naamikut, Alaaska.
ICC Kanatami amma tuavirnaqtuqaqtillugu ikajuqtiit, Red Cross ikajunginnarumalauqtut. Qilamiapik parnakpalliasilauqsimajugut sivuniksamut ikajurutiksanik amma ikajukkannirutiksanik.
Ikajurutiksalirilauqtinnagit katimagutausimajunik tusarutiiksait amma tuksirarutausimajut tuavirnaqtukkut ikajuqtaujumanirmut. Tuksirautiviniit atuinnaujut qaritaujakkut. Ajjilianga: ukiuqtaqtulimaamut katimajirjuat Kanatami papatangit.
Ikajurutiksalirilauqtinnagit katimagutausimajunik tusarutiiksait amma tuksirarutausimajut tuavirnaqtukkut ikajuqtaujumanirmut. Tuksirautiviniit atuinnaujut qaritaujakkut. Ajjilianga: ukiuqtaqtulimaamut katimajirjuat Kanatami papatangit.
Pigiarnianit isulinnianut, aqsururnaqtukkuqtunik ikajurasuarnirmut piliriangulauqtuq ununginniqsani taqqini pingasuni.
Kanannaqpasiani ungasittumi silarjuami ikajurasuarniq!
"Tamakkua ikajurutiksait naammanaalauqtut amma piuniqsanik niriugunnaqsigutaullutik inunginnut ungasittumi nunaliit, makititsigiaqsutik niriunniqatsiarnirmik imaak iqqaumajaminut makitatsianirmut utiriaq amma ikajuqtaugiaq. ... Qaujimajauniqatut nunaqaqqaaqsimajut katujjiatigiingit gavamaillu, kajusititsisiarunnarninginnik suurlu taimanna piliriaksanik.”
"This aid was very timely and brought some relief to the people residing in remote communities, thus re-igniting their hope and confidence in the fact that they are remembered and cared for. ... We have been able to prove that Aboriginal organizations, in cooperation with government agencies, can successfully carry out such activities."
- Titiqqaq uvangaaqtuq Sergey Kharyuchi, RAIPON-kut angajuqqaangannit, Siila Watt-Cloutier-mut, ICC-kut Kanatami angajuqqaanganuaqtut, Januari 28, 1999,mi. Nailligiaqsimallutik tusarutinittut aqsururnaqtukkuqtuqaqtillugu ikajurniup Ulaasiap ukiuqtaqtuami miksaanuangajut.
Siriniki (Sireniki), Januari 7, 1999. Ajjinguaq: Harald Finkler (DIAND/ICC Kanatami).
Siriniki (Sireniki), Januari 7, 1999. Ajjinguaq: Harald Finkler (DIAND/ICC Kanatami).
Kinguniani
Kanatami ICC-kut turaaqtanga kajusitsialauqtut: niqiit, ikajukainnarutiksait, amma niriutsiarunnarniq atuqtaulilauqtut Inuinnut Sukatkami. Ukua RAIPON qujalisimajut amisuaqtiqsutik Kanatami ICC-kunnik kiggaqtuqsugit Sukatkamiunik aqsururujjisimammata.
Uggunaqtuugaluaq, parnaksimajavut amma tuksiraqtavut ikajurrutiksanik angiqtaulauqsimangimmata sitakkunnutma CIDA. Kisiani, CIDA-kut, asiaguttauq ikajurutiksaqaqsimajut piliriqatiqanikkut Kanatami tuavirnaqtuqatillugu ikajuqtinik (Canadian Red Cross).
Ilaugunnairaluaqtilluta tamatumunga, ICC-kut atuliqujausimajumik angirutiqalauqsimajut 1999,mi ajaurinikkut Red Cross-kunnik kajusinginnaqullugit piliriqatiqariaq RAIPON-kunnik ikajurutiksalirinikkut aqsururnaqtumittunut.
Kanatami ICC-kut suli aqsuruinnalauqtut ikajurasuaqsutik inunnik Sukatkami, qanutuinnaq ikajurutiksait akunikut kamagijaugaluaqpata.
Tarijaraksaq The Other Edge of the World takuksaujunnaqtuq qaritaujakkut, amma atuinnaullutik VHS nipiliuqsimajut amma qilliqtuniittut tarrijagaksaq. Ajjilianga: ukiuqtaqtulimaamut katimajirjuat Kanatami papatangit.
Tarijaraksaq The Other Edge of the World takuksaujunnaqtuq qaritaujakkut, amma atuinnaullutik VHS nipiliuqsimajut amma qilliqtuniittut tarrijagaksaq. Ajjilianga: ukiuqtaqtulimaamut katimajirjuat Kanatami papatangit.
Asingit silaurjuamiuk: The Other Edge of the World
"Anurivijjuasituarmat qilamiapikkut, suurlu, Saut Amialikami (South America), Hantuarasmi (Honduras), nakituinnaaluk tusagakkurutiusuugummata qilamiapik. Amma ikajurumaliqsutik amisut, amma tamarmik ikajurumaliqpammata.
Ulaasiap ukiuqtaqtuani, taimaittunik pitaqangittuq. Takuqattaqsimajugut inunginnik aqsuruqtunik niqiqaratik, uqqusautiqaratik, qaummaqqutiratik ikittaqtunik, amma mijuapinnik ikajuqtaujjutiksaqaqtut. Amma pijjutaulluni takullattaqsimanginnatta, taimaittukkut inugasuaqturitsingittugut.”
"The minute there's a hurricane, for example, in South America, Honduras, we see all of that in the media immediately. And there's a compassion that wells up in everybody, and everybody wants to do something to help.
In Arctic Russia, we see nothing. We see nothing about these people who are struggling with no food, with no heat, with no electricity, and meager, meager resources. And because we don't see it, we think it doesn't exist."
- Siila Watt-Cloutier, angajuqqaangulauqtuq Kanatami ICC-kunnut, uvanittuq The Other Edge of the World
The Other Edge of the World (silarmuap asiani) tarrijagaksaq unikkaaqsimajuq Kanatami ikajuqtiujut pilirilaurninganik ikajusutik Ulaasiami ukiuqtaqtumiunik.
Qanuiluurumalirningit kingullirmi:
Kanatami Inuit Piliriangit
Kanatami ICC-kut kiinaujanik nuatsinia inunginnut Sukatkaup.
1999,mi, Inuit nunaqaqtut Sukatkami inuugasuarnikkut aqsururnaqquqpalliatuinnaqtut. ICC Kanatami iqqanaijaqtinga unikkaalauqsimajuq tusaqtavinirminik ilaminit Sukatkami:
"Illurijaujut Katinngajut amma allavingit, niuvirvingillu amma nirivingit sukkummarialuulauqtut. Igalaangit ukkuangillu surattiqsimallutik. Aaqqiksuijiqangittut qilamikkut. Kiinaujaqtaqaranilu parnaksimajunik. “Iqqaigutigilauqtakka unatarjuaqtuni tulliani, World War II,” [ilarikka] uqalauqtuq titiqqatigut.”
"Apartments and office buildings, stores and restaurants are in deplorable condition. The windows and doors are broken. No one will take care of them now. There is no money in the budget. “It reminded me of World War II,” [my family member] said in her letter."
"Uvani [Novoye-Chaplino], nunalinni piruqsalauqsimajunga, niqiqangittumi niuvirvingani kisiani niuviaksaqasutik sukarmik, iqqiujamik, amma puvallatsautimik. Niqituaqaliqtut niqituqaminik tunijauvakkamik angunasuttinut nunalinginni. Nunalinni uumajuqsiuqtiit titirarialit nunalinni sapummijinnut aturniarutik umiarnik uumajuqsiulirutik qilalugarnik amma aivirnik. Utirutik kinguvallutik, palisinut aqsaqtaugajaqsutik umajurasuarutinginnik ulluni amisuni. Ammalu akaungiliurutiqaqtut uqsualuqanginnirmik ingirrautinginnut. Inungit akunialuk utaqqivattut uumajuvinirnik niqiksaminik uumajuqsiuqtinit.”
"In [Novoye-Chaplino], a community I grew up in, there is no food in the store except sugar, rice, and baking soda. The only food they are eating now is traditional food provided by the local hunters. The local hunters require written permission from local border guards to launch their boats to hunt for whales and walruses. If they return late, the guards withdraw the privilege to hunt for some days. It is also a problem to get fuel to run their motors. People wait a long time to get traditional food from hunters."
- ICC Kanatami kiinaujanik nuatsigasuarutingit, 1999. Papattivimmittut qaritaujakkut atuinnaullutik.
ICC-kut aqsururjuaqsimajut taqalauqsimagatik nunaqaqqaaqsimajunik Sukatkami, saanngatsivatsutillu gavamanik amma silarjuami ikajuqtiullutik katujjiqatigiinik. Kisiani, aqsururnaqtukkuqtillugit, piniarniqammarilauratta ikajuqsigiaq.
Kanataup gavamangit tunisiqattalauqsimangimmata kiinaujanik ICC-kunnut ikajukkannirutiksanginniq aqsururnaqtukkuqtunik. Kisiani, pituksimaqatiqainnalauqtugut inunnik silarjuami - piqasiutillutik North Slope Borough,miut Alaaskami, parnaksimalaurmata suli tujuijuksaugiaq ikajurutiksanik Sukatkamut.
Ajjigillarinnagit kingulliqpaami ikajurutiksaliurnikkut, ikajurutiksanik kamalauqtut sunarrutiksanik uumajuqsiurnirmut amma iqalliarnirmut, nunaqaqqaaqsimajut Sukatkamiut sunarrutiksanginnik annaumagasuarnirmut.
1999,mi, Kanatami ICC-kut pigiaqtitsilauqtut Kanatami Inuit ikajurutiksaliurninginnik,“Canadian Inuit Initiative”: kiinaujanik nuatsigasuarrutinik sangatsigutigillugit nunalinni Inunnik amma katujjiqatigiinik Kanatalimaami. ICC-kut sanasimajunik Sukatkami salaksarutiqaqtitsillutik amma tunijaullutik amisunut inunnut amma Inuit qatujjiqatigiinginnut ikajurutinik.
Kanatamiut Inuit ikajukkauninginnut amma aqsurusimaningitigut ICC-kut iqqanaijaqtingita nuatsilauqtut kiinaujanik $21,000,nik amisunginniqsani marruuk marruunni!
ICC-kut tujuilauqsimajut katiqsuqsimajunik kiinaujanik North Slope Borough-mut, parnaksimajukkut niuvirunnaqtunik amma aullaqtitsillutik umajuqsiurutinik ingirrallutik Bering Strait-kut Sukatkamut.
Imaak aturiaqallattalaurmauk ama kajusitsiaqsutik, ikajurutilimaat kisiani akuniujumut turaanganatik. Piliriangujut ikajurutiksait aturunnarmata akuniujumut asijjiqturnikkut sulilu piliriarijaunginnaqsutik…
Qanuiluurumalirningit kingullirmi: INRIPP
Ulaasiami nunaqaqqaaqsimajunut ilisarutiksanik
(Institution Building for Northern Russian Indigenous Peoples’ Project)
"'Taimali ikajurumanniruvit, tunisituinnangillugu iqalummi anguti, ilisangaarlugu iqalliariaq amma ilisarlugu qanuq atuqtuksaugianga iqalugasugutinik.'"
"'If you want to help, do not give the man a fish, teach him how to make fishing tackle and teach him how to use it.'"
- Titiqqait Larisa Abrutina-mit, angajuqqaap tullianit RAIPON-kunnut, turaaqtut Siila Watt-Cloutier-mut, angajuqqaanganut Kanatami ICC-kunnut, Uktupiri 13, 1999,mi. Papatitivimmittut taujaugusingit atuinnaujut qaritaujakkut.
Tuavirnaqtukkut ikajurnikkut inuusirnik annaisimajuugaluat, kisiani nunaqaqqaaqsimajut Ulaasiap ukiuqtaqtuani ikajuqtaugiallagiaqammaritut tuavirnaqtukkut.
Imminik makitagunnarialiit, kisianilu uqalimagujjigunnarlutik imminik, nipiminik tusaqtautitsinikkut sivuliuqtilimaanik silarmi.
Pijjutigillugu sanngijukkut piliriqatiqaqsiarningit Kanatami ICC-kut amma RAIPON-kut amma Ulaasiami sivuliqtinik, ikajurunnaqsilauratta piliriqatigiinnikkut parnaisimanittinnut taimanganit sivuniani 1994: Ulaasiami nunaqaqqaaqsimajunut ilisarutiksanik “Institution-Building for Northern Russian Indigenous Peoples' Project”, uvvaluunniit INRIPP.
Pigiaqsutik 1996,mit 2006,mut, Kanatami ICC-kut piliriqatiqalauqtut Ulaasiami nunaqaqqaaqsimajunik pilirillutik INRIPP-nik amma kinguniani, INRIPP-2. Katutillutik RAIPON-kullu piliriqatiqarumanikkut nunaqaqqaaqsimajut katujjiqatigiinginnik nanikkaluaqpata killiliuqtausimajukkut saqqititsilauqtut kamanaqtunik.
INRIPP-2 pilirinirmut katimajirusiujuq katilaurningit Salekhard,mi 2004. Ajjilianga: ukiuqtaqtulimaamut katimajirjuat Kanatami papatangit.
INRIPP-2 pilirinirmut katimajirusiujuq katilaurningit Salekhard,mi 2004. Ajjilianga: ukiuqtaqtulimaamut katimajirjuat Kanatami papatangit.
INRIPP ikajuqsimmata nunaqaqqaqsimajunik ukiuqtaqtuani Ulaasiap piliriqatiqanikkut nunangani amma silarjuami katimagutiqanikkut. Piliriangujut kamagijaulauqtut katutillutik ICC-kullu Kanatami ikajurutiksalirinirmut, kajusigiallagutigilauqsugulu ikajurumanirmut. Qaujigiakkannirunnaqtutit piliriangusimajut miksaanut ICC Kanatami titiqatuqarnik papattiviani.
INRIPP-2 Ikpijaqaniqsaulaurmata namminiqanirmik: ilisaigunnarnikkut, katimatitsinikkut, amma piliqatigiinnikkut, amma ikajurnirmut pivalliatitsinirmik kiinaujaliurutiksanik amma mianiqsiqatigiinnirmut nunamiutalirinirmik.
Mumiqtiit RAIPON-kut katimatillugit, Airili 2005. Ajjilianga: ukiuqtaqtulimaamut katimajirjuat Kanatami papatangit.
Mumiqtiit RAIPON-kut katimatillugit, Airili 2005. Ajjilianga: ukiuqtaqtulimaamut katimajirjuat Kanatami papatangit.
ICC Kanatami aqsurulauqtut piliriaqaqsutik INRIPPkunnik ikajuqsutik tunngaviksaliuqtillugit ukununga RAIPON, ikajurutiksanik nunaqaqqaaqsimajunut ukiuqtaqtuani Ulaasiap imaak immikkut aulatsigunnariaq aqsururutigijaminik, amma annaumanituinnaungittukkut, kisiani sivumut makitagasuarnikkut.
Atausiulinganinga ukiuqtaqtuup - Atausiulinganingit inungita
Silarjuap ukiuqtaqtuani Inuit aqsurunginnaqpattut ullutamaaq katititsinasuaqsutik inunnik piliriaqalutik ukiuqtaqtumi pijjutaujunik amma Inuit uqausinginnik tusarlutik.
Inuit nunanginni - nunalimaani taijaujuni ullumi Kanata, Alaaska, Kalaallit Nunaat, amma Sukatka - inungit ukiuqtaqtumittuinnaugamik taimaatsainnaq pijjutiqatut, amma sivuniksaminik atuqattautillutik.
Killiliuqtausimajut suqutiginagit ikajurumaniqaqtugut inuuqatittinnik amma piliriqatiqaluta nunaqaqqaaqsimajunik silarjuami, imaak ICC-kut atuqsimajangit Inuit piqqusirisimammagit, amma upigusukkatta piliriqatiqariaq inulimaanik silarjuami.
Tunngasuktitauvusi takugiariaq ICC Kanatami papattiviani qaritaujaniittunik amma takugiakkannirunnaqtusi piliriarisimajanginnik kamanaqtunik Inuit silarjuamiuqatigiit.
Tukisiarviksait:
1st General Assembly, 1977 series. F3-S1, ICC Canada Archives, Ottawa. https://iccc-archives.andornot.net/link/description5090
3rd General Assembly, 1983 series. F3-S3, ICC Canada Archives, Ottawa. https://iccc-archives.andornot.net/link/description4899
5th General Assembly, 1989 series. F3-S5, ICC Canada Archives, Ottawa.
1988 trip to Chukotka series. F2-S7, ICC Canada Archives, Ottawa.
Art and object collection. AO, ICC Canada Archives, Ottawa. https://iccc-archives.andornot.net/list?q=&p=1&ps=20&sort=title_sort%20asc&src_facet=Sanaugait%20piqutiviniillu
Ashbury, Doug. "In search of aid." Yellowknifer. January 8, 1999, 3.
Bourgeois, Annette. "The "Inuit Express" sets out for the Russian Far East." Nunatsiaq News. January 8, 1999, 19.
Canadian humanitarian aid to Northern Russia series. F1-S10, ICC Canada Archives, Ottawa. https://iccc-archives.andornot.net/link/description10063
ICC Canada, "Can you help Inuit from Chukotka?" advertisement, Inuktitut, 2002. https://www.itk.ca/wp-content/uploads/2016/10/2002-0091-InuktitutMagazine-IUCANS-IULATN-EN-FR.pdf
"ICRC Food Parcel," Canadian Red Cross, accessed September 2, 2023. https://www.redcross.ca/history/artifacts/icrc-food-parcel
INRIPP fonds. F7, ICC Canada Archives, Ottawa. https://iccc-archives.andornot.net/link/description1064
INRIPP-2 fonds. F8, ICC Canada Archives, Ottawa. https://iccc-archives.andornot.net/link/description1771
Kumo, Kazuhiro, and Tamara Litvinenko. 2019. "Post-Soviet Population Dynamics in the Russian Extreme North: A Case of Chukotka." Polar Science, ISAR-5/ Fifth International Symposium on Arctic Research, 21 (September): 58–67. https://doi.org/10.1016/j.polar.2018.11.002.
McAdams, Lisa. "World: International Red Cross And Red Crescent Societies Seek To Help Vulnerable." RadioFreeEurope/RadioLiberty, March 9, 1999. https://www.rferl.org/a/1090759.html
Schodolski, Vincent. "Soviet Bread Prices Skyrocket by 600%." Chicago Tribune. November 13, 1991. https://www.chicagotribune.com/news/ct-xpm-1991-11-13-9104110945-story.html
Walker, Ruth. "Canadian Inuit Help Out Their Russian Kin." The Christian Science Monitor. January 8, 1999, 8.
Built with Shorthand