ᐃᓄᐃᑦ ᐅᖃᐅᓯᖏᑦ
ᐅᑭᐅᕐᑕᕐᑐᓕᒫᒥ ᑲᑎᒪᔨᕐᔪᐊᑦ ᑲᓇᑕᒥ ᐃᑲᔪᕈᒪᓂᖏᑕ ᑭᖑᕙᕆᐊᕐᑕᐅᓂᖓ ᐅᓛᓯᐊᒥ ᓱᑲᑦᑲᒥ
ᐅᓂᒃᑳᑦ ᐃᓄᐃᑦ ᐅᖃᐅᓯᖏᓐᓂ ᐅᓂᒃᑳᖑᒻᒪᑕ ᐃᓄᐃᑦ ᓯᓚᕐᔪᐊᒥ ᐃᑲᔪᕋᓱᐊᕐᓂᖏᓐᓂᒃ ᓱᑲᑦᑲᒥ ᐃᓄᖏᓐᓂᒃ.
ᑕᐃᒫᒃ ᐅᑭᐅᕐᑕᕐᑐᓕᒫᒥ ᓯᓚᕐᔪᐊᒥ ᐃᓄᐃᑦ ᑲᑐᔾᔨᖃᑎᒌᖏᑦ (ᐊᐃᓯᓯᒃᑯᑦ) ᐃᑲᔪᕋᓱᐊᕐᑎᐅᒻᒪᑕ: ᑕᒪᕐᒥᒃ ᐃᓄᐃᑦ ᐱᓕᕆᖃᑎᒌᓐᓂᖏᒍᑦ ᐊᒻᒪ ᐃᑲᔪᕋᓱᐊᕐᓂᖏᒍᑦ ᓇᓄᐅᒃᑯᑦ ᓄᓇᕐᔪᐊᒥ ᑭᓪᓕᓕᐅᕐᑕᐅᓯᒪᒐᓗᐊᕐᐸᑕ.
ᑖᒃᑯᐊ ᐅᓂᒃᑳᑦ ᐱᒋᐊᕐᑎᑕᐅᓚᐅᕐᓯᒪᔪᑦ ᓯᕗᓪᓕᕐᐹᒥ ᐅᑭᐅᕐᑕᕐᑐᒥᐅᓕᒫᑦ ᐃᓄᐃᑦ ᑲᑎᒪᕐᔪᐊᕐᓂᖃᕐᑎᓪᓗᒋᑦ ᐅᑦᕿᐊᒡᕕᒃᒥ 1977,ᒥ...
ᐅᓛᓯᐊᒥ ᐊᐃᓯᓯᒃᑯᑦ ᓯᕗᓪᓕᕐᒥ ᖃᓄᐃᓕᓯᒪᓕᕐᓂᖏᑦ
ᐅᖃᓕᒫᒐᐅᑉ ᖄᖓᓃᑦᑐᑦ ᐊᔾᔨᓕᐊᕕᓃᑦ ᓯᕗᓪᓕᕐᐹᒥ ᑲᑎᒋᐅᕐᑎᓪᓗᒋᑦ ᐊᐃᓯᓯᒃᑯᑦ 1976,ᒥ. ᓇᕿᓪᓗᒍ ᐅᖃᓕᒫᒃᑲᓐᓂᕈᒪᒍᕕᒋᑦ ᑐᖅᑯᕐᑐᕐᓯᒪᔪᑦ!
ᐅᖃᓕᒫᒐᐅᑉ ᖄᖓᓃᑦᑐᑦ ᐊᔾᔨᓕᐊᕕᓃᑦ ᓯᕗᓪᓕᕐᐹᒥ ᑲᑎᒋᐅᕐᑎᓪᓗᒋᑦ ᐊᐃᓯᓯᒃᑯᑦ 1976,ᒥ. ᓇᕿᓪᓗᒍ ᐅᖃᓕᒫᒃᑲᓐᓂᕈᒪᒍᕕᒋᑦ ᑐᖅᑯᕐᑐᕐᓯᒪᔪᑦ!
ᐅᑦᕿᐊᕕᒃ, 1977
"ᐃᓄᐱᐊᑦ ᐊᑐᓚᐅᕐᑐᑦ ᑎᓴᒪᓂᒃ ᓴᐃᒻᒪᑎᓂᒃ”
ᑖᒃᑯᐊ ᓴᐃᒻᒪᑏᑦ ᑐᑭᖃᑎᑕᐅᓚᐅᕐᑐᑦ ᓯᕗᓪᓕᕐᐹᑦᓯᐊᒥ ᐅᑭᐅᕐᑕᕐᑐᒥᐅᑕᐃᑦ ᐃᓄᐃᑦ ᓯᓚᕐᔪᐊᒥ ᑲᑎᒪᓂᕆᓚᐅᕐᑕᖓᓄᑦ.
ᑲᑎᒪᒋᐅᕐᑎᓪᓗᒋᑦ ᐅᑦᕿᐊᒥ (ᐳᐊᕈ), ᐊᓛᔅᑲᒥ, ᐃᐊᐸᓐ ᕼᐊᑉᓴᓐ ᑲᑎᖃᑎᖃᕈᒪᓚᐅᕐᓯᒪᒻᒪᑦ ᐃᓄᓕᒫᓂᒃ ᓯᓚᕐᔪᐊᒥ.
ᓯᑕᒪᓂᒃ ᓴᐃᒻᒪᑎᓂᒃ ᑕᑯᒃᓴᐅᑎᑦᓯᓚᐅᕐᓯᒪᔪᑦ ᑲᑎᒪᕐᔪᐊᕐᓂᖃᕐᑎᓪᓗᒋᑦ ᐃᓄᐃᑦ ᓄᓇᓖᑦ ᐊᓛᔅᑲᒥ, ᑲᓇᑕᒥ, ᑲᓛᓪᓕᑦ ᓄᓈᑦ, ᐊᒻᒪ ᓱᑲᑦᑲᒥ.
ᓂᕆᐅᓐᓂᖃᓗᐊᖅᑎᓪᓗᒋᑦ, ᐅᓛᓯᐊᒥᐅᑦ ᐃᓄᐃᑦ ᑲᑎᒪᕐᔪᐊᖃᑕᐅᔪᓐᓇᓚᐅᖅᓯᒪᖏᑦᑐᑦ 1977,ᒥ ᐱᑦᔪᑕᐅᓪᓗᓂ ᐊᑐᕆᐊᖃᖏᑕᖏᑦ ᐃᖏᕐᕋᓂᒃᑯᑦ ᐊᒻᒪ ᑐᓴᐅᒪᖃᑎᖃᖏᓐᓂᒃᑯᑦ ᐅᓛᓯᐊᒥᐅᓂᒃ ᐊᒻᒪ ᐊᓯᖏᓐᓂᒃ ᐱᖓᓱᓂᒃ ᓄᓇᕐᔪᐊᓂᒃ.
ᐊᐃᓯᓯᑯᑦ ᓯᕗᓪᓕᖅᐹᒥ ᓴᖅᑭᑕᐅᓚᐅᖅᓯᒪᔪᑦ ᐃᓚᐅᑎᓪᓗᒋᑦ ᐱᖓᓱᐃᓐᓇᐃᑦ ᓄᓇᓕᕐᔪᐊᑦ: ᐊᓚᔅᑲ, ᑲᓇᑕ, ᐊᒻᒪ ᑲᓛᓪᓕᑦ ᓄᓈᑦ. ᑭᓯᐊᓂ, ᐊᐃᓯᓯᑯᑦ ᑕᐃᒪᓐᓇ ᐱᐅᓯᖃᕈᒪᓚᐅᖏᑦᑐᑦ - ᐱᓇᓱᖃᑎᒋᖏᓐᓇᓚᐅᖅᑕᕗᑦ ᐃᓄᐃᑦ ᓄᓇᓖᑦ ᐅᓛᓯᐊᒥ ᐅᖓᑖᓄᑦ ᖁᓖᑦ.
ᐃᖃᓗᐃᑦ, 1983
1983,ᒥ, ᐅᑭᐅᕐᑕᕐᑐᒥ ᓯᓚᕐᔪᐊᒥ ᐃᓄᐃᑦ ᑲᑐᔾᔨᖃᑎᒌᖓ ᖁᕕᐊᓱᓚᐅᕐᓯᒪᖏᑦᑐᑦ ᐃᓄᐃᑦ ᓱᑲᑦᑲᒥᐅᑦ ᑲᑎᒪᕐᔪᐊᕐᑐᓂᒍᓐᓇᓚᐅᖏᓐᓂᖏᓐᓂᒃ.
ᑭᓯᐊᓂ, ᒫᓐᓇ ᐊᕐᕌᒍᒋᔭᕗᑦ ᓇᓪᓕᐅᑎᓯᒪᒻᒪᑦ ᐊᐃᓯᓯᒃᑯᑦ ᓇᓗᓇᐃᕐᓯᓚᐅᕐᑎᓪᓗᒋᑦ ᐅᓛᓯᐊᒥᑦ ᐃᓄᐃᑦ ᐃᓂᒃᓴᖃᐃᓐᓇᖁᓪᓗᒋᑦ ᑲᑎᒪᓂᒃᑯᑦ.
ᑕᒪᑐᒥᖓ ᑐᓴᕐᑎᑦᓯᓕᕋᒥᒃ, ᐊᐃᓯᓯᒃᑯᑦ ᐊᖓᔪᖅᑳᖏᑦ ᑐᒃᓯᕋᒻᒪᕆᓚᐅᕐᓯᒪᔪᑦ ᐅᓛᓯᐊᒥ ᐃᓄᓐᓂᒃ - ᐃᓚᒌᓂᒃ, ᐊᒥᓱᓂᒃ, ᑲᑎᖃᑦᑕᖁᓪᓗᒋᑦ - ᑲᑎᒪᖃᑕᐅᓂᒃᑯᑦ.
ᐊᐃᓯᓯᒃᑯᑦ ᐊᖓᔪᖅᑳᖓ ᕼᐊᓐᔅ-ᐹᕕᐊ ᕉᓯᖕ (Hans-Pavia Rosing) ᐊᒻᒪ ᐊᓛᔅᑲᒥ ᑲᑎᒪᖃᑕᐅᔪᖅ ᑲᐃᓚᑉ ᐸᓐᑲᐅᐃ (Caleb Pungowiyi) ᐅᖃᓕᒪᓚᐅᕐᓯᒪᔫᒃ ᑐᓴᒐᒃᓴᓕᕆᓂᒃᑯᑦ ᑲᑎᒪᖃᑕᐅᑎᓪᓗᒋᑦ ᓴᐃᐱᐊᕆᐅᒥ ᐃᓄᖏᑦ. ᓴᐳᒻᒥᔭᐅᒍᑎᓖᑦ ᐃᓄᐃᑦ ᑕᑯᓐᓇᕋᒃᓴᓕᕆᔨᒃᑯᖏᑦ.
ᐊᐃᓯᓯᒃᑯᑦ ᐊᖓᔪᖅᑳᖓ ᕼᐊᓐᔅ-ᐹᕕᐊ ᕉᓯᖕ (Hans-Pavia Rosing) ᐊᒻᒪ ᐊᓛᔅᑲᒥ ᑲᑎᒪᖃᑕᐅᔪᖅ ᑲᐃᓚᑉ ᐸᓐᑲᐅᐃ (Caleb Pungowiyi) ᐅᖃᓕᒪᓚᐅᕐᓯᒪᔫᒃ ᑐᓴᒐᒃᓴᓕᕆᓂᒃᑯᑦ ᑲᑎᒪᖃᑕᐅᑎᓪᓗᒋᑦ ᓴᐃᐱᐊᕆᐅᒥ ᐃᓄᖏᑦ. ᓴᐳᒻᒥᔭᐅᒍᑎᓖᑦ ᐃᓄᐃᑦ ᑕᑯᓐᓇᕋᒃᓴᓕᕆᔨᒃᑯᖏᑦ.
ᑲᑎᒪᕐᔪᐊᕐᓂᖃᕐᑎᓪᓗᒋᑦ 1983,ᒥ, ᑕᒪᕐᒥᒃ ᕋᓯᐊᑉ ᓴᐃᒻᒪᑎᖓ ᐊᒻᒪ ᐃᒃᓯᕙᐅᑕᖓ ᐃᓄᖃᕋᓂ ᓴᓂᐊᓂ ᓴᐃᒻᒪᑏᑦ ᓴᓂᐊᓂ ᐱᖓᓱᑦ ᓯᓚᕐᔪᐊᒥ ᐃᓄᐃᑦ ᓄᓇᓕᕐᔪᐊᑦ, ᓇᓗᓇᖏᒍᑕᐅᓪᓗᑎᒃ ᐊᐃᓯᓯᒃᑯᑦ ᐱᓂᐊᕐᓂᖃᓂᖓᓂᒃ ᑕᒪᑐᒧᖓ ᐊᖏᕈᑎᖃᕆᐊᖅ; ᑕᒪᕐᒥᒃ ᐃᓄᐃᑦ, ᓄᓇᖅᑲᑎᒌᖏᑦᑐᑦ ᑭᒡᒐᕐᑐᕐᑕᐅᓗᑎᒃ ᓴᐃᒻᒪᑎᓄᑦ.
ᐊᐅᔭᖓᓂ 1988, ᐅᑭᐅᕐᑕᕐᑐᓕᒫᒥ ᐃᓄᐃᑦ ᑲᑐᔾᔨᖃᑎᒌᖓᑕ, ᐊᐃᓯᓯ ᓯᕗᓕᐅᕐᑎᖏᑦ ᐅᒥᐊᕐᔪᐊᒃᑰᕐᑐᑦ ᓱᑲᑦᑲᒧᑦ ᐊᐱᕆᔭᕐᑐᕐᓱᑎᒃ ᕋᓯᐊᑉ ᒐᕙᒪᖏᓐᓂᒃ ᐃᓄᖏᑦ ᐃᓚᒋᓕᐅᑎᔭᐅᖁᓪᓗᒋᑦ ᐊᐃᓯᓯᒃᑯᓐᓄᑦ.
ᓄᓈᕋᒥᒃ ᐊᓇᑐᕐᒧᑦ (Anadyr) ᕋᓯᐊᒥ, ᐊᐃᓯᓯᒃᑯᑦ ᑐᓐᖓᓱᑦᑎᑕᐅᒻᒪᕆᓚᐅᕐᑐᑦ ᓯᕗᓕᕐᑎᖏᓐᓄᑦ ᓄᓇᓕᖏᓐᓂᑦ.
"ᓱᑲᑦᑲᒥᑦ ᒧᒥᕐᑎᖃᓚᐅᕐᑐᖅ ᑐᓐᖓᓱᑦᑎᑦᓯᓚᐅᕐᑐᓂᒃ ᐊᒻᒪ ᒧᒥᕐᑎᖃᑦᓯᐊᕐᑐᐊᓘᓪᓗᑎᒃ ᕿᓚᐅᔾᔭᕐᓱᑎᓪᓗ ᐃᓐᖏᕐᓱᑎᓪᓗ. ᓄᓇᕋᓂᒃ ᑐᓂᐅᖅᑲᕐᑕᐅᓚᐅᕐᑐᑦ ᐊᒻᒪ ᑕᒪᕐᒥᑲᓴᒃ ᑐᓂᔭᐅᓪᓗᑎᒃ ᓄᓇᕋᓂᒃ ᑲᑎᓐᖓᔪᓂᒃ."
"There was a dance group from Chukotka who welcomed us with some beautiful dances to the accompaniment of drums and songs. Flowers were distributed and almost all of us received a beautiful bouquet."
ᓯᕗᓪᓕᕐᐹᑦᓯᐊᒥ ᐊᕐᕌᒍᐃᑦ ᐊᒥᓱᐊᓗᐃᑦ ᐊᓂᒍᕐᓯᒪᓕᕐᑎᓪᓗᒋᑦ ᐃᓄᐃᑦ ᓯᓚᕐᔪᐊᒥᐅᑦ ᖁᕕᐊᓱᖃᑎᒌᒍᓐᓇᓚᐅᕐᓯᒪᔪᑦ ᑕᐅᖅᓯᖃᑎᒌᓐᓂᒃᑯᑦ ᐃᓕᖅᑯᓯᒥᓂᒃ ᑲᑎᓐᖓᓪᓗᑎᒃ.
1989,ᒥ, ᐃᓄᐃᑦ ᓱᑲᑦᑲᒥᐅᑦ ᑲᑎᒪᖃᑕᐅᓕᓚᐅᕐᓯᒪᔪᑦ ᐊᐃᓯᓯᒃᑯᑦ ᑲᑎᒪᕐᔪᐊᕐᓂᖃᕐᑎᓪᓗᒋᑦ ᓯᓯᒥᐅᒥ, ᑲᓛᓪᓖᑦ ᓄᓇᖓᓂ (ᐊᑯᑭᒃᑐᓂ).
ᐅᓛᓯᐊᑉ ᒐᕙᒪᖏᑦ ᐅᐸᒍᓐᓇᕐᑎᑦᓯᓚᐅᕐᒪᑕ ᓇᓚᒋᐊᑐᐃᓐᓇᕐᑐᓂᒃ ᑲᑎᒪᔪᓂᒃ, ᑐᓐᖓᓱᑦᑎᓚᐅᕐᑕᕗᑦ ᖃᓄᓕᒫᖅ.
ᓇᓗᓇᐃᒃᑯᑕᖅ 1989,ᒥ ᐊᐃᓯᓯᒃᑯᑦ ᑲᑎᒪᕐᔪᐊᕐᓂᖃᕐᑎᓪᓗᒋᑦ. ᐊᔾᔨᓕᐊᖓ: ᐅᑭᐅᕐᑕᕐᑐᓕᒫᒧᑦ ᑲᑎᒪᔨᕐᔪᐊᑦ ᑲᓇᑕᒥ ᐸᐸᑕᖏᑦ.
ᓇᓗᓇᐃᒃᑯᑕᖅ 1989,ᒥ ᐊᐃᓯᓯᒃᑯᑦ ᑲᑎᒪᕐᔪᐊᕐᓂᖃᕐᑎᓪᓗᒋᑦ. ᐊᔾᔨᓕᐊᖓ: ᐅᑭᐅᕐᑕᕐᑐᓕᒫᒧᑦ ᑲᑎᒪᔨᕐᔪᐊᑦ ᑲᓇᑕᒥ ᐸᐸᑕᖏᑦ.
"ᐅᑎᑐᐊᕈᑦᑕ [ᓱᑲᑦᑲᒧᑦ], ᑐᓴᕐᑎᓛᕐᑕᕗᑦ ᐃᓱᒪᒋᔭᑦᑎᓐᓂᒃ ᐃᓚᐅᓚᐅᕐᓂᑦᑕ, ᓱᓇᓂᓪᓗ ᑕᑯᓚᐅᕐᓂᑦᑎᓐᓂᒃ ᐊᒻᒪ ᓱᓇᓂᒃ ᑐᓴᓚᐅᕐᒪᖔᑦᑕ [ᐊᐃᓯᓯᒃᑯᑦ ᑲᑎᒪᕐᔪᐊᕐᓂᖃᕐᑎᓪᓗᒋᑦ]. ᐊᔾᔨᒌᑲᓴᑦᓯᐊᓂᒃ ᐱᐅᓯᖃᕋᑦᑕ, ᐊᔾᔨᒌᓪᓚᕆᖏᑦᑐᓂᒃ ᐅᖃᐅᓯᖃᕋᓗᐊᕐᓱᑕ, ᑭᓯᐊᓂ ᐊᒥᓱᓂᒃ ᐊᔾᔨᒌᑲᓴᓐᓂᒃ ᐱᖅᑯᓯᖃᑐᒍᑦ, ᐱᔾᔪᑎᕗᓪᓗ ᐊᔾᔨᒌᑦᓱᑎᒃ, ᐊᑲᐅᖏᓕᐅᑎᕗᓪᓗ ᐊᔾᔨᒌᑦᑐᑦ, ᐊᕕᒃᓯᒪᒍᑎᒋᖏᑕᕗᑦ…"
"When we come back [to Chukotka], we will share our impressions, what we have seen here and what we have heard [at the ICC General Assembly]. I think we have much in common, despite different dialects we have, we find that we have many common traditions, common issues to discuss, common problems, there is not much that divides us..."
- ᐊᐱᕐᓱᕐᑕᐅᓂᕕᓂᖓ ᓇᑏᔅᑕ ᓱᑕᑰᕙ (Nadezda Sudakova) ᐅᓛᓯᐊᒥ ᑲᑎᒪᖃᑕᐅᓚᐅᕐᑐᖅ ᓂᕈᐊᕈᓐᓇᕐᓇᑎᒃ 1989,ᒥ ᑲᑎᒪᕐᔪᐊᕐᓂᖃᕐᑎᓪᓗᒋᑦ ᓯᓯᒥᐅᓂ, ᐊᑯᑭᑦᑐᓂ.
ᐃᓅᕕᒃ, 1992
ᐃᓄᐃᑦ ᓱᑲᑦᑲᒥᐅᑦ ᑲᑎᒪᔪᓃᖃᑕᐅᒍᓐᓇᓚᐅᕐᑑᒐᓗᐊᑦ ᑲᑎᒪᕐᔪᐊᕐᓂᖃᕐᑎᓪᓗᒋᑦ ᐊᐃᓯᓯᒃᑯᑦ 1989,ᒥ, ᑭᓯᐊᓂ 1992,ᒥ ᑲᑎᒪᖃᑖᓪᓚᑦᑕᐅᔪᓐᓇᕐᓯᓚᐅᕐᓯᒪᔪᑦ ᐊᒻᒪ ᓂᕈᐊᕈᓐᓇᕐᓂᖃᓕᕐᓱᑎᒃ.
ᑕᑯᔪᓐᓇᕐᑕᑎᑦ ᓯᕗᓪᓕᕐᐹᑦᓯᐊᒥ ᐊᖓᔪᖅᑳᖏᑦ ᓱᑲᑦᑲᒥ ᓱᐅᒥᐊᓂ: ᐊᓕᒃᓴᓐᑐᕐ ᐊᒧᕆᑉᑯᕐ (Alexander Omrypkir) ᐊᒻᒪ ᓇᑏᔅᑕ ᓱᑕᑰᕙ (Nadezda Sudakova).
ᑭᖑᓂᐊᓂ 1992 ᑲᑎᒪᕐᔪᐊᓚᐅᕐᑎᓪᓗᒋᑦ, ᐊᐃᓯᓯᒃᑯᑦ, ICC ᐱᓇᓱᐊᓚᐅᕐᑐᑦ ᓴᖅᑭᑎᑦᓯᒋᐊᖅ ᐊᐃᓯᓯᒃᑯᑦ ᐅᓛᓯᐊᒥ ᐊᓪᓚᕕᒃᓴᖓᓂᒃ ᐃᑲᔪᕐᕕᐅᒐᔭᕐᑎᓪᓗᒍ ᐃᓄᖏᓐᓂᒃ. ᐅᓪᓗᒥ, ᑖᓐᓇ ᐊᓪᓚᕕᖓ ᑕᐃᔭᐅᔪᖅ ᐊᐃᓯᓯ ᓱᑲᑦᑲ.
ᐅᒡᒍᓇᕐᑑᒐᓗᐊᖅ, ᐃᓄᐃᑦ ᐅᓛᓯᐊᒥᐅᑦ ᓱᓕ ᐅᓪᓗᒥ ᐃᓅᒐᓱᐊᕐᓂᒃᑯᑦ ᐊᕐᓱᕈᒪᑕ.
ᐅᓛᓯᐊᒥ ᐃᓄᒐᓱᐊᕈᓯᖏᑦ ᑲᔪᓯᑦᓯᐊᖏᕙᓪᓕᐊᑐᐃᓐᓇᕐᑎᓪᓗᒋᑦ, ᐃᓄᖏᑦ ᓱᑲᑦᑲᒥᐅᑦ ᐊᕐᓱᕈᕐᐸᓪᓕᐊᑐᐃᓐᓇᕐᒪᑕ ᐃᓅᒐᓱᐊᕐᓂᒃᑯᑦ.
ᐅᓛᓯᐊ ᓄᓇᖏᓐᓂ ᑲᑕᒻᒪᕆᓚᐅᕐᒪᑕ ᐃᓅᒐᓱᐊᕈᓯᖏᒍᑦ
1991,ᒥ, ᐅᓛᓯᐊᒥᐅᑦ ᑲᑕᒻᒪᕆᓚᐅᕐᒪᑕ ᐃᓅᒐᓱᐊᕈᓯᖏᑦ. ᒐᕙᒪᖏᑦ ᓱᕋᓚᐅᕐᒪᑕ, ᐊᒻᒪᓗ ᐃᑲᔪᕐᑕᐅᔾᔪᓯᖏᑦ ᐊᓐᓇᐅᒪᒍᑕᐅᕙᑦᑐᑦ ᐃᓄᖏᓐᓄᑦ ᐃᓱᐃᓪᓕᓪᓗᑎᒃ.
"ᑮᓇᐅᔭᓕᕆᓂᒃᑯᑦ ᐃᓱᐃᓪᓕᔪᒻᒪᕆᐅᓚᐅᕐᑐᑦ ᑐᑭᖃᕈᓐᓇᐃᕐᓱᑎᒃ ᐅᓛᓯᐊᒥ, ᑮᓇᐅᔭᖏᑕᓗ ᐊᑭᓪᓗᐊᖏᖏᑦ ᐊᓯᔾᔨᕐᑕᕐᓕᕐᓱᑎᒃ, ᑕᐃᒪᐃᒻᒪᑦ ᓂᐅᕕᐊᒃᓴᐃᑦ ᐊᑭᑦᑐᕆᐊᕐᓱᑎᒃ ᐊᒻᒪ ᐊᒥᒐᕐᓴᓕᕐᓱᑎᒃ, ᐃᒫᒃ ᓂᐅᕕᕐᕕᖁᑎᓖᑦ ᓂᐅᕕᐊᒃᓴᖁᑎᒥᓂᒃ ᑎᒍᒥᐊᒻᒪᕆᓕᕐᓱᑎᒃ ᐊᑭᑦᑐᕆᐊᖁᔨᒧᑦ ᓂᐅᕕᐊᒃᓴᓂᒃ. ᑮᓇᐅᔭᓕᐊᖏᓐᓂᒃ ᐊᒻᒪ ᐃᓐᓇᕐᓯᐅᑎᖏᓐᓂᓪᓗ ᐊᑭᓕᕐᑕᐅᓐᓂᕐᒪᖔᑕ ᖃᐅᔨᒪᓇᓂ - ᐊᑭᓕᕐᑕᐅᓪᓗᑎᓪᓗ ᓇᑉᐸᐃᓐᓇᖏᓐᓂᒃ."
"The banking chaos across Russia, with sharp variations in currency rate exchanges, has fuelled price increases and shortages, as storekeepers hold back their goods for more favourable prices. Salaries and pensions - if these have been paid at all - have been reduced by half."
ᑭᖑᓂᑦᓯᐊᖓᓂ ᐅᓛᓯᐊᒥ ᓱᓇᓕᒫᑦ ᐊᓐᓇᐅᒪᒍᑏᑦ ᐃᓱᐃᓪᓕᓚᐅᕐᑎᓪᓗᒋᑦ, ᐅᒪᔪᕆᕈᓐᓇᑦᓯᐊᓚᐅᕐᓯᒪᖏᒻᒪᑕ ᐊᒻᒪ ᓂᖀᑦ ᓂᐅᕕᐊᒃᓴᐃᑦ ᐊᒥᒐᓕᕐᓱᑎᒃ ᐅᓛᓯᐊᓕᒫᒥ. ᒐᕙᒪᒃᑯᑦ ᓱᒋᐊᓪᓚᒍᑎᒋᓚᐅᕐᓯᒪᔭᖓ ᐃᒫᒃ ᓂᕿᓂᒃ ᑲᒪᒋᔭᐅᓂᖃᖁᓪᓗᒋᑦ ᑕᒪᐃᓐᓄᑦ ᐊᑐᐃᓐᓇᐅᖁᓪᓗᒋᑦ ᐊᑭᑦᑐᓗᐊᖁᓇᒋᑦ.
ᕿᓚᒥᐊᐱᒃ, ᓂᐊᖁᔭᖅ ᐊᑭᑦᑐᕆᐊᕐᓂᖃᓚᐅᕐᓯᒪᔪᖅ 600%,ᒧᑦ.
ᖃᐅᔨᒪᒍᑎᒃᓴᖃᖏᑦᓯᐊᓚᐅᕐᑐᑦ ᓯᕗᓂᐊᓂ ᖃᓄᖅ ᐊᓯᔾᔨᕐᑕᕐᓂᐊᒪᖔᑕ ᐅᓪᓘᓂᐊᕐᑐᓂ. ᑭᓇᐅᔭᐃᑦ ᐊᑭᓪᓗᖏᑦ ᓱᓇᐅᒍᓐᓇᐃᕈᓐᓇᕐᓱᑎᒃ ᐅᓪᓗᒃᑯᑦ.
ᐃᑲᔪᕐᓯᒍᑎᒃᓴᖃᖏᑦᓯᐊᓚᐅᕐᑐᑦ ᐊᑐᕐᑕᐅᔪᓐᓇᕐᑐᓂᒃ, ᐊᓪᓛᑦ ᐊᕐᓱᕈᕐᓇᕐᑐᖃᕐᑎᓪᓗᒍ ᐅᕝᕙᓘᓐᓃᑦ ᑭᖑᓂᐊᓂ.
ᓄᓇᓖᑦ ᐅᑭᐅᕐᑕᕐᑑᓂᖏᓐᓂ ᐅᖓᓯᑦᑐᓂ ᐊᕐᓱᕈᕐᓇᕐᑐᒃᑯᓚᐅᕐᒥᔪᑦ ᐊᓯᖏᑎᑐᑦ ᐅᓛᓯᐊᒥᐅᑐᑦ ᐊᓪᓛᑦ ᐃᑲᔪᕐᑕᐅᔾᔪᑎᒃᓴᖃᖏᓐᓂᕐᓴᐅᓪᓗᑎᒃ. ᓄᓇᓖᑦ ᖁᔭᓈᕐᑕᐅᑦᓯᐊᕐᓱᑎᒃ ᐃᖅᑲᓇᐃᔮᒃᓴᖃᕈᓐᓇᐃᕐᓱᑎᓪᓗ. ᐃᓄᐃᑦ ᓅᒍᓐᓇᖏᓐᓂᖏᑦ ᐊᕐᓱᕈᕐᔪᐊᓕᕐᓱᑎᒃ ᐃᑲᔪᕐᑕᐅᓇᑎᒃ, ᐊᒻᒪ ᓄᓇᖃᖅᑳᕐᓯᒪᔪᑦ ᐱᓗᐊᕐᓱᑎᒃ.
ᐅᓛᓯᐊᒥ ᒪᓕᒐᕐᑎᒍᑦ ᓅᑕᐅᓯᒪᒻᒪᑕ ᓄᓇᖃᖅᑳᕐᓯᒪᔪᑦ ᕌᒥᐊᒥ ᐃᓄᒋᐊᑦᑐᓄᑦ ᓄᓇᓕᓐᓄᑦ ᓅᑕᐅᓪᓗᑎᒃ ᓄᓇᖏᓐᓂᑦ ᐊᒻᒪ ᐃᓱᐃᓪᓕᒍᑕᐅᓪᓗᓂ ᐱᖅᑯᓯᖏᓐᓄᑦ ᓲᕐᓗ ᕋᐃᓐᓂᐅᕐᓂᒃ ᐆᒪᔪᕐᓯᐅᓱᒍᓂᖏᓐᓄᑦ. ᓱᑲᑦᑲᓯᐅᑦ ᐃᓄᐃᑦ ᐊᑐᕈᓐᓇᐃᕐᓯᒪᔪᑦ ᐃᒻᒥᒃᑯᑦ ᐊᓐᓇᐅᒪᒍᓐᓇᕐᐸᓇᐅᕐᓂᕐᒥᓂᒃ ᐊᒻᒪ ᐃᒻᒥᒃᑯᑦ ᐊᓐᓇᐅᒪᒐᓱᐊᕈᓐᓇᐃᓪᓕᓪᓗᑎᒃ ᐱᖅᑯᓯᑐᖃᕕᓂᕐᒥᑐᑦ. ᐅᕐᓱᐊᓗᒃ, ᓂᖀᓪᓗ, ᐊᒻᒪ ᖃᓄᐃᖏᑦᓯᐊᕋᓱᐊᕐᓂᕐᒧᑦ ᐃᑲᔪᕐᑕᐅᔾᔪᑏᑦ ᑲᒪᒋᔭᐅᒻᒪᑕ ᕋᓯᐊᒥ ᒐᕙᒪᓄᑦ.
ᐅᓪᓗᒥ, ᐃᑲᔪᕐᓯᔭᐅᓯᒪᖏᓐᓇᒥᒃ, ᐱᕐᓕᕋᕐᐸᓪᓕᐊᔪᑦ.
ᖃᓄᐃᓕᖓᓕᕐᓂᖓ ᐳᕈᕕᑎᓂᔭ (Provideniya), 1999. ᐊᔾᔨᖑᐊᖅ: ᕼᐃᕈᓪ ᕕᒃᓗᕐ (Harald Finkler), (DIAND/ᐊᐃᓯᓯ ᑲᓇᑕᒥ).
ᖃᓄᐃᓕᖓᓕᕐᓂᖓ ᐳᕈᕕᑎᓂᔭ (Provideniya), 1999. ᐊᔾᔨᖑᐊᖅ: ᕼᐃᕈᓪ ᕕᒃᓗᕐ (Harald Finkler), (DIAND/ᐊᐃᓯᓯ ᑲᓇᑕᒥ).
ᐳᕈᕕᑎᓂᔭ (Provideniya), 1994
1994,ᒥ, ᐊᐃᓯᓯᒃᑯᑦ ᐊᖓᔪᖅᑳᖏᑦ ᑲᑎᒪᔨᑦ ᑲᑎᒪᓂᖃᓚᐅᕐᑐᑦ ᐳᕈᕕᑎᓂᔭᒥ, ᐅᓛᓯᐊᒥ, ᑲᒪᒋᔭᖃᓱᑎᒃ ᐱᔾᔪᑎᓕᓐᓂᒃ ᓄᓇᖃᖅᑳᕐᓯᒪᔪᑦ ᐊᕐᓱᕈᕈᑎᖃᓂᖏᓐᓂᒃ ᓱᑲᑦᑲᒥ.
ᑕᒪᒃᑯᐊ ᑲᑎᒪᓂᕕᓃᑦ ᒥᒃᓵᓄᐊᖓᔪᑦ ᐊᑐᐃᓐᓇᐅᔪᑦ ᑲᓇᑕᒥ ᐊᐃᓯᓯᒃᑯᑦ ᑎᑎᖅᑲᑐᖃᓂᒃ ᐸᐸᑦᑎᕕᓐᓂ.
ᐊᐃᓯᓯᒃᑯᑦ, ICC ᐊᖓᔪᖅᑳᖏᑦ ᑲᑎᒪᔩᑦ ᐅᖃᓕᒪᖃᑎᖃᓚᐅᕐᓯᒪᔪᑦ ᑭᒡᒐᕐᑐᕐᑎᖏᓐᓂᒃ ᐅᓛᓯᐊᒥ ᒐᕙᒪᖏᓐᓂᒃ ᐊᒻᒪ ᓄᓇᖃᖅᑳᕐᓯᒪᔪᑦ ᑲᑐᔾᔨᖃᑎᒌᖏᓐᓂᒃ. ᑕᒪᕐᒥᒃ ᑲᑎᖃᑎᖃᑦᓯᐊᕈᒪᓚᐅᕐᑐᑦ ᐊᐃᓯᓯᒃᑯᓐᓂᒃ, ᑐᑭᓯᑎᑦᓯᒋᐊᕐᓱᑎᓪᓗ ᐊᕐᓱᕈᕐᓇᕐᑐᒃᑯᕐᑐᒻᒪᕆᐅᓂᖏᓐᓂᒃ ᐃᓄᖏᑕ ᓱᑲᑦᑲᒥᐅᑎ..
'ᐊᓯᖏᓐᓂ ᐅᑭᐅᕐᑕᕐᑐᒥ ᓯᓚᕐᔪᐊᒥ ᓄᓇᓖᑦ ᑕᐃᒫᑦᓴᐃᓐᓇᑲᓴᒃ ᐊᕐᓱᕈᕈᑎᖃᕐᑐᑦ, ᑭᓯᐊᓂ … ᓱᑲᑦᑲᒥ ᐱᓗᐊᕐᑐᖅ ᐱᔾᔪᑕᐅᓪᓗᑎᒃ ᒐᕙᒪᖏᑦ ᐊᒻᒪ ᑮᓇᐅᔭᓕᐅᕋᓱᐊᕈᓯᖏᑕ ᖃᓄᐃᓕᖓᓂᖏᖏᑦ ᐅᓛᓯᐊᒥ.'
ᑕᐃᓱᒪᓂ ᑲᑎᒪᑎᓪᓗᒋᑦ, ᐊᐃᓯᓯ ᐊᑯᑭᑦᑐᓂᑦ ᐱᓕᕆᐊᖃᓚᐅᕐᓯᒪᒻᒪᑕ ᖃᓄᐃᖏᑦᓯᐊᕋᓱᐊᕐᓂᓕᕆᓂᕐᒧᑦ ᐃᑲᔪᕈᑎᒃᓴᓂᒃ ᓱᑲᑦᑲᒥ - ᑭᓯᐊᓂ ᑕᒪᕐᒥᒃ ᐊᐃᓯᓯᒃᑯᑦ ᐃᑲᔪᕈᒪᓂᖃᒻᒪᕆᓚᐅᕐᑐᑦ. ᑭᓯᐊᓂ, 1994,ᒥ, ᐱᓕᕆᐊᖃᓂᕐᐸᐅᓚᐅᕐᑐᒍᑦ ᓴᖓᑦᓯᒋᐊᖅ ᒐᕙᒪᓂᒃ ᐊᒻᒪ ᕿᓂᕐᓂᕐᒧᑦ ᑮᓇᐅᔭᓂᒃ ᐊᐃᓯᓯᒃᑯᑦ ᐊᓪᓚᕕᖓᓄᑦ ᐅᓛᓯᐊᒥ. ᐊᐃᓯᓯ ᑲᓇᑕᒥ ᐃᓱᒪᖃᓚᐅᕐᒪᑕ ᐃᑲᔪᕐᓯᒋᐊᖅ ᓯᕗᓂᒃᓴᒥ, ᑭᓯᐊᓂ ᐱᕕᒃᓴᖃᕆᐊᖃᓚᐅᕐᑐᑦ ᐸᕐᓇᐃᒋᐊᖅ ᐊᒻᒪ ᑮᓇᐅᔭᓂᒃ ᐱᕈᖅᓴᐃᒋᐊᖅ.
'ᓱᑲᑦᑲᒥ ᐃᓄᖏᑦ ᓱᒃᑰᒋᐊᓪᓚᓕᓚᐅᕐᓯᒪᒻᒪᑕ ᐊᑐᕈᓐᓇᐃᕐᐸᓪᓕᐊᓂᕐᒥᓂᒃ ᓄᓇᖃᖅᑳᕐᓯᒪᔫᓪᓗᑎᒃ ᐱᖅᑯᓯᑐᖃᒥᓂᒃ ᐃᓕᖅᑯᓯᕐᒥᓂᒃ … [ᐅᕙᖓ ᐊᔭᐅᕆᕗᖓ] ᐊᐃᓯᒥᒃᑯᑦ ᐱᓕᕆᖃᑎᖃᖁᓪᓗᒋᑦ ᑕᒪᐃᓐᓂᒃ ᓄᓇᖃᖅᑳᖅᓯᒪᔪᑦ ᑎᒥᖁᑎᖏᓐᓂᒃ ᓱᑲᑦᑲᒥ.'
ᐊᐃᓯᓯᒃᑯᑦ ᓯᕗᓕᕐᑎᖏᑦ ᐊᓂᓕᕐᑐᑦ ᑲᑎᒪᔪᓂᑦ ᐃᓱᒪᓕᕐᓱᑎᒃ ᐃᒫᒃ: ᐃᑲᔪᕈᓐᓇᕐᐳᒍᑦ ᐱᓇᓱᖃᑎᖃᓂᒃᑯᑦ ᓱᑲᑦᑲᒥ ᓄᓇᖃᖅᑳᕐᓯᒪᔪᑦ ᑲᑐᔾᔨᖃᑎᒌᖏᓐᓂᒃ.
ᓱᑲᑦᑲᒥ ᐊᑲᐅᖏᑦᑐᒃᑯᒻᒪᕆᓚᐅᕐᑐᑦ ᐊᔪᕐᓴᕐᓂᒃᑯᑦ ᐊᕐᕌᒍᓂ ᐊᒥᓱᓂ
ᐊᒻᒪ ᐊᑲᐅᖏᑦᑐᒃᑯᕐᑐᒻᒪᕆᐅᓚᐅᕐᑎᓪᓗᒋᑦ ᐊᑲᐅᖏᓪᓕᕆᐊᑐᐃᓐᓇᕆᓪᓗᑎᒃ ᑐᐊᕕᕐᓇᕐᑐᒃᑯᑦ
ᐅᑭᐅᒃᑯᑦ ᑐᐊᕕᕐᓇᕐᑐᒃᑰᕐᓂᖅ
"ᓱᑲᑦᑲᒥᐅᑦ ᓄᓇᖃᖅᑳᕐᓯᒪᔪᑦ ᐊᑲᐅᖏᓐᓂᕐᐹᒃᑯᕐᓂᖃᓕᕐᒪᑕ ᒫᓐᓇᒥ."
"The native people of Chukotka find themselves in their darkest hour."
ᓕᐅᑦᒥᓚ ᐊᐃᓇᓇ (Liudmila Ainana), ᐊᖓᔪᖅᑳᖅ ᔪᐱᒃ ᑲᑐᔾᔨᖃᑎᒌᖏᓐᓄᑦ ᓱᑲᑦᑲᒥ, 1999ᒥ. ᐊᔾᔨᖑᐊᖅ: ᕼᐃᕈᓪ ᕕᒃᓗᕐ (Harald Finkler), (DIAND/ᐊᐃᓯᓯ ᑲᓇᑕᒥ).
ᓕᐅᑦᒥᓚ ᐊᐃᓇᓇ (Liudmila Ainana), ᐊᖓᔪᖅᑳᖅ ᔪᐱᒃ ᑲᑐᔾᔨᖃᑎᒌᖏᓐᓄᑦ ᓱᑲᑦᑲᒥ, 1999ᒥ. ᐊᔾᔨᖑᐊᖅ: ᕼᐃᕈᓪ ᕕᒃᓗᕐ (Harald Finkler), (DIAND/ᐊᐃᓯᓯ ᑲᓇᑕᒥ).
ᑮᓇᐅᔭᓕᐅᕈᑏᑦ ᐃᓱᐃᓪᓕᕐᔪᐊᕐᒪᑕ ᐊᒻᒪ ᐊᑦᑕᓇᕐᑐᒃᑰᓕᕐᓱᑎᒃ ᐅᑭᐅᒃᑯᑦ ᐊᕐᓱᕈᕐᓇᕐᑐᒻᒪᕆᐊᓘᓚᐅᕐᓯᒪᔪᖅ ᓄᓇᓕᓐᑦ ᐅᓛᓯᐊᒥ ᐊᑐᕐᑐᑐᖃᐅᓕᕐᑎᓪᓗᒋᑦ 1990,ᑎᑦ.
ᐅᖓᓯᑦᑐᒥᐅᑕᐅᓂᕐᓴᐃᑦ ᐅᑭᐅᕐᑕᕐᑐᒥ ᐅᓛᓯᐊᒥ, ᓱᑲᑦᑲᒥ (Chukotka), ᑲᒻᓴᒃᑲᒥ (Kamchatka), ᐊᒻᒪ ᒪᑲᓐᑕᒥ (Magadan), ᐅᖓᓯᑦᑐᒥᐅᑕᐅᒻᒪᑕ ᐊᒻᒪ ᐃᒃᑭᓇᕐᑐᒻᒪᕆᐊᓘᓪᓗᓂ ᐅᑭᐅᒃᑯᑦ. ᐃᓪᓗᕐᔪᐊᖃᕋᑎᒃ, ᖃᓄᐃᖏᑦᓯᐊᕋᓱᐊᕐᓂᒃᑯᓪᓗ ᐃᑲᔪᕐᑕᐅᔾᔪᑎᒃᒪᖃᕋᑎᒃ, ᐊᒻᒪ ᑐᓴᐅᒪᐅᒍᑎᖃᑦᓯᐊᖏᒻᒪᕆᑦᑐᑦ.
ᐅᓛᓯᐊᒥ ᓄᓇᖃᖅᑳᕐᓯᒪᔪᑦ ᑎᒥᖁᑎᖓ ᐅᑭᐅᕐᑕᕐᑐᒥ (RAIPON) ᑲᓇᑕᒧᑦ ᐃᑲᔪᕐᑕᐅᒍᒪᓚᐅᕐᓯᒪᔪᑦ 1998,ᒥ. ᐃᑲᔪᕐᑕᐅᒍᒪᓚᐅᕐᓯᒪᔪᑦ ᑐᐊᕕᕐᓇᕐᑐᒃᑯᑦ ᐅᑭᐅᕐᑕᕐᑐᓕᕆᓂᕐᒧᑦ ᑲᑎᒪᔨᓂᑦ, ᐊᐃᓯᓯᒃᑯᓐᓄᑦ, ᐊᒻᒪ ᐊᓪᓚᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ.
ᓯᓚᕐᔪᐊᒥ ᑲᑐᔾᔨᖃᑎᒌᑦ ᑐᐊᕕᕐᓇᕐᑐᓕᕆᓂᕐᒧᑦ, International Federation of the Red Cross ᑐᓴᕈᒥᓇᓗᐊᖏᑦᑐᓂᒃ ᑐᓴᕐᑎᑦᓯᓚᐅᕐᓯᒪᔪᑦ 1999,ᒥ ᐃᑲᔪᕐᑕᐅᒃᑲᓐᓂᕈᒪᓂᕐᒧᑦ (ᑐᑭᓯᒋᐊᒃᑲᓐᓂᕈᒪᒍᕕᑦ ᐅᖃᓕᒪᕋᒃᓴᐅᕗᑦ ᑲᓇᑕᒥ ᐊᐃᓯᓯᑲᓇᑕ ᑎᑎᖅᑲᑐᖃᓂᒃ ᐸᐸᑦᑎᕕᐊᓂ) ᐃᒫᒃ:
"ᐊᒥᓱᐊᓗᐃᑦ ᓅᒋᐊᓕᓚᐅᕐᓯᒪᒻᒪᑕ, ᓯᕗᓪᓕᐅᓪᓗᑎᒃ ᓘᑦᑖᑦ; ᐊᒻᒪ ᓅᖏᑦᑐᑦ ᐊᑦᑕᕐᓇᕐᑐᒃᑯᕐᓂᕐᐸᐅᓂᐊᓕᕐᓱᑎᒃ ᖃᓄᕐᑐᕆᑎᒃᓴᖃᑦᓯᐊᖏᓪᓗᑎᒃ ᑭᓯᐊᓂ ᐊᓐᓇᒐᓱᐊᕐᓗᑎᒃ ᐃᒃᑭᓇᕐᑐᒻᒪᕆᐊᓗᒻᒥ ᐊᓐᓇᐅᒪᒍᑎᒃᓴᖃᖏᓪᓗᑎᒃ ᐊᑐᓗᐊᕐᑐᓂᒃ ᐊᓐᓇᐅᒪᓂᕐᒧᑦ.
ᑕᐃᒪᐃᑎᓪᓗᒋᑦ ᓄᓇᓕᖏᓐᓂ ᐃᓅᒐᓱᐊᕈᓯᖏᑦ, ᓄᓇᖃᖅᑳᕐᓯᒪᔪᐃᑦ (ᐃᓄᐃᑦ, ᐃᕝᓂᒃ (Evenk), ᑯᐊᕐᔭᒃ (Koryak), ᓴᒃᓯ (Chukchi), ᐃᒡᑭᒧᑦ (Eskimo), ᐊᒻᒪ ᐊᓗᐃᑦ (Aleut)) ᐊᒻᒪ ᐃᓚᒌᑦ ᓅᓐᓂᑯᐃᑦ ᑮᓇᐅᔭᓕᐅᕋᓱᐊᕐᓱᑎᒃ ᐊᕐᓱᕈᓗᐊᖑᐊᕐᒥᔪᑦ ᐊᓐᓇᐅᒪᒐᓱᐊᕐᓂᒃᑯᑦ.”
"Mass migration has started, with doctors among the first to move; those persons who stay are the most vulnerable who have few options but to attempt to survive the extremely hostile conditions with little or no replenishment of basic supplies.
Under these conditions, the Indigenous people (Inuit, Evenk, Koryak, Chukchi, Eskimo, and Aleut) as well as families of economic migrants are desperately hard-pressed to survive."
ᓄᓇᓖᑦ ᐅᖓᓯᑦᑐᒥ ᓂᒋᕐᐸᓯᐊᓂ ᐅᓛᓯᐊᑉ, ᐊᑦᑕᓇᕐᑐᒃᑯᕐᑐᑦ ᐊᒻᒪ ᐅᖓᓯᑦᑐᒥᑦᑐᑦ ᐃᑲᔪᕐᑕᐅᔭᕆᐊᓖᑦ, ᓯᓚᕐᔪᐊᒥᑦ ᐃᑲᔪᕐᑕᐅᔭᕆᐊᓖᑦ - ᐊᒻᒪ ᕿᓚᒻᒥᒃᑯᑦ ᐃᑲᔪᕐᑕᐅᔭᕆᐊᓖᑦ.
ᑲᓇᑕᒥ ᑲᑐᔾᔨᖃᑎᒌᑦ ᐱᓕᕆᒋᐊᖃᓕᕐᑐᑦ.
ᑐᐊᕕᕐᓇᕐᑐᖃᕐᑎᓪᓗᒍ ᐃᑲᔪᕈᑎᒃᓴᐃᑦ
ᐅᑭᐊᒃᓵᖓᓂ 1998, ᐅᑭᐅᕐᑕᕐᑐᒥᐅᓄᑦ ᑭᒡᒐᕐᑐᕐᑎ ᒥᐊᓕ ᓴᐃᒪᓐ (Mary Simon) ᑲᑎᑎᑦᓯᓚᐅᕐᓯᒪᔪᖅ ᑲᑎᒪᔨᕈᓯᖏᓐᓂᒃ ᒐᕙᒪᐃᑦ ᐊᒻᒪ ᒐᕙᒪᐅᖏᑦᑐᑦ ᑲᑐᔾᔨᖃᑎᒌᖏᓐᓂᒃ ᒪᒍᐊᖁᓕᕐᓱᒋᑦ ᐊᕐᓱᕈᕐᑐᓂᒃ ᐅᓛᓯᐊᒥ. ᓄᕕᐱᕆ 1998,ᒥ, ᑲᓇᑕᒥᑦ ᑐᐊᕕᕐᓇᕐᑐᓕᕆᔨᒃᑯᑦ ᐃᑲᔪᕈᒪᓂᖓ ᐊᖏᕐᑕᐅᓚᐅᕐᓯᒪᔪᖅ ᐅᓛᓯᐊᑉ ᐊᖓᔪᖅᑳᖓᓄᑦ.
ᐱᓇᓱᐊᖃᑎᖃᓂᒃᑯᑦ ᓯᓚᕐᔪᐊᒥ ᐊᒻᒪ ᐅᓛᓯᐊᒥ ᑐᐊᕕᕐᓇᕐᑐᒃᑯᑦ ᐃᑲᔪᕐᑎᓂᒃ, Russian Red Cross, ᑕᒪᒃᑯᐊ ᑲᑐᔾᔨᖃᑎᒌᑦ ᐱᓕᕆᖃᑎᒌᓚᐅᕐᑐᑦ ᐃᖃᔪᕐᓱᑎᒃ ᐅᑭᐅᕐᑕᕐᑐᖓᓂᕐᒥᐅᓂᒃ ᐅᓛᓯᐊᑉ, ᐱᒋᐊᕐᕕᖃᓱᑎᒃ ᓱᑲᑦᑲᒥᒃ:
ᑲᓇᑕᒥ ᐃᑲᔪᕐᑎᑦ ᐊᕐᓱᕈᒻᒪᕆᒃᑐᖃᑎᓪᓗᒍ (Canadian Red Cross)
ICC ᑲᓇᑕᒥ
(ICC Canada)
ᑲᓇᑕᐅᑉ ᒐᕙᒪᖏᑦ
ᐱᖓᓱᓕᖓᔪᑦ ᒐᕙᒪᐃᑦ ᑲᓇᑕᐅᑉ ᒐᕙᒪᒃᑯᖏᓐᓂᖔᕐᑐᑦ ᐃᑲᔪᕐᓯᓚᐅᕐᑐᑦ ᑐᐊᕕᕐᓇᕐᑐᖃᕐᑎᓪᓗᒍ ᐃᑲᔪᕐᑎᐅᔪᓂᒃ: CIDA, DIAND, ᐊᒻᒪ DFAIT
"ᓄᓇᖃᖅᑳᖅᓯᒪᔪᑦ ᐃᑲᔪᕐᑕᐅᔪᒃᓴᐅᒻᒪᑕ ᑐᐊᕕᕐᓇᕐᑐᖃᕐᑎᓪᓗᒍ, ᐱᒻᒪᕆᐅᓗᐊᕐᐳᖅ ᑭᒡᒐᕐᑐᕐᑎᖏᑦ ᑲᑐᔾᔨᖃᑎᒌᑦ ᐱᓕᕆᖃᑕᐅᒃᐸᑕ IFRC/RCC ᐊᐅᓚᑕᐅᓂᖏᓐᓄᑦ. ᓄᓇᖃᖅᑳᕐᓯᒪᔪᑦ ᐃᓱᒪᒋᔭᐅᔪᒪᖏᒻᒥᔪᑦ ᐃᑲᔪᕐᑕᐅᒍᒪᓗᑎᒃ ᕿᓄᔨᑐᐃᓐᓇᐅᒋᐊᖏᑦ. ᑭᓯᐊᓂ, ᐃᓚᐅᓪᓚᑦᑖᖃᑦᑕᕈᒪᔪᑦ ᐱᓕᕆᐊᓄᑦ ᒥᐊᓂᕐᓯᓂᒃᑯᑦ ᓇᒻᒥᓂᖅ ᐊᕐᓱᕈᕈᑎᒋᔭᒥᓂᒃ ᐊᒻᒪ ᐸᕐᓇᐃᓗᑎᒃ ᑲᒪᔪᓐᓇᕐᓯᒋᐊᖅ ᐊᑲᐅᖏᓕᐅᑕᐅᔪᓂᒃ.”
"As Indigenous Peoples are a major target for humanitarian assistance, it is particularly important that their representative organizations be involved in the IFRC/RCC operation. The Indigenous Peoples do not want to be seen solely as passive recipients of aid. Instead, they wish to be actively involved in this project as a means of managing their own crisis and building their own capacity."
- 1999 ICC Canada/RAIPON/Canadian Red Cross ᑐᒃᓯᕋᓂᖓ CIDA,ᑯᓐᓂᑦ.
ᑕᑯᓗᒋᑦ ᐊᑎᖏᑦ ᑎᑎᕋᕐᓯᒪᔪᑦ ᑲᓇᑕᒥ ᐊᐃᓯᓯᒃᑯᑦ ᐸᐸᑦᑎᕕᐊᓂ.
"ᐊᓪᓛᑦ ᑐᐊᕕᕐᓇᕐᑐᖃᕐᑎᓪᓗᒍ ᐃᑲᔪᕐᑏᑦ, Red Cross/Red Crescent ᐊᕐᓱᕈᑎᒋᔭᕋᓗᐊᖏᑦ ᑭᓯᐊᓂ ᐊᒥᓱᖏᑦᑐᓄᑦ ᐃᑲᔪᑕᐅᒪᑕ ᐃᓱᓕᑦᑕᕐᓱᑎᓪᓗ, ᐃᒫᒃ ᐊᓱᕈᕈᑕᐅᔪᑦ ᐃᑲᔪᕐᑕᐅᒍᓐᓇᕆᐊᖅ ᓂᕆᐅᒍᑎᒃᓴᐃᑦ, ᐃᑲᔪᕐᓂᒃᑯᒃ ᐃᓄᖏᓐᓂᒃ, ᐊᒻᒪ ᐅᑎᕐᑎᑦᓯᒐᓱᒋᐊᖅ ᐅᐱᒍᓱᓐᓂᖏᓐᓂᒃ ᑭᓇᐅᓂᕐᒧᑦ ᐊᑦᑕᕐᓇᕐᑐᒥᓐᓂᕐᐸᐅᒻᒪᑕ ᓯᓚᕐᔪᐊᒥ.”
"Even if Red Cross/Red Crescent efforts only effect lives in the short term, such efforts still bring hope, a sense of people who care, and a semblance of dignity to the growing number of the world's most vulnerable."
- ᒪᑯᕆᑕ ᕗᐊᓪᔅᑐᐊᕐᒻ (Margareta Wahlstrom), ᑎᑎᕋᕐᑎᐅᔪᖅ ᑲᒪᔨᐅᓪᓗᓂᓗ ᑐᐊᕕᕐᓇᕐᑐᖃᑎᓪᓗᒍ ᐱᕐᓗᐊᕿᓂᒃᑯᑦ ᐱᓕᕆᓂᒃᑯᑦ IFRC,ᓂ, ᐊᐱᕐᓱᕐᑕᐅᔪᖅ RadioFreeEurope/RadioLiberty,ᑯᓐᓄᑦ, ᒪᕐᔨ 1999.
ᑕᐃᔭᐅᒍᓯᖓ ᑐᓴᒐᒃᓴᓂᓐᓂᑯ ᐅᕙᓂ Christian Science Monitor, ᔭᓄᐊᕆ 8, 1999,ᒥ.
ᑕᐃᔭᐅᒍᓯᖓ ᑐᓴᒐᒃᓴᓂᓐᓂᑯ ᐅᕙᓂ Christian Science Monitor, ᔭᓄᐊᕆ 8, 1999,ᒥ.
ᑕᐃᔭᐅᒍᓯᖓ ᑐᓴᒐᒃᓴᓂ ᓄᓇᑦᓯᐊᑉ ᑐᓴᒐᒃᓴᖏᓐᓂ, ᔭᓄᐊᕆ 8, 1999,ᒥ.
ᑕᐃᔭᐅᒍᓯᖓ ᑐᓴᒐᒃᓴᓂ ᓄᓇᑦᓯᐊᑉ ᑐᓴᒐᒃᓴᖏᓐᓂ, ᔭᓄᐊᕆ 8, 1999,ᒥ.
ᔭᓐᕋᑮᓇᑦ (Yanrakynnot) ᔭᓄᐊᕆ 8, 1999. ᐊᔾᔨᖑᐊᖅ: ᕼᐃᕈᓪ ᕕᖕᑯᓪ, (Harald Finkler), (ᐃᓄᓕᔭᔨᑐᖃᒃᑯᑦ/ᐊᐃᓯᓯ ᑲᓇᑕ).
ᔭᓐᕋᑮᓇᑦ (Yanrakynnot) ᔭᓄᐊᕆ 8, 1999. ᐊᔾᔨᖑᐊᖅ: ᕼᐃᕈᓪ ᕕᖕᑯᓪ, (Harald Finkler), (ᐃᓄᓕᔭᔨᑐᖃᒃᑯᑦ/ᐊᐃᓯᓯ ᑲᓇᑕ).
ᐃᑲᔪᕐᑐᑦ ᖃᖓᑕᓱᒃᑯᑦ ᔨᐊᓗᓇᐃᒥ, ᔭᓄᐊᕆ 5, 1999. ᐊᔾᔨᖑᐊᖅ: ᕼᐃᕈᓪ ᕕᖕᑯᓪ (Harald Finkler), (ᐃᓄᓕᔭᔨᑐᖃᒃᑯᑦ/ᐊᐃᓯᓯ ᑲᓇᑕ).
ᐃᑲᔪᕐᑐᑦ ᖃᖓᑕᓱᒃᑯᑦ ᔨᐊᓗᓇᐃᒥ, ᔭᓄᐊᕆ 5, 1999. ᐊᔾᔨᖑᐊᖅ: ᕼᐃᕈᓪ ᕕᖕᑯᓪ (Harald Finkler), (ᐃᓄᓕᔭᔨᑐᖃᒃᑯᑦ/ᐊᐃᓯᓯ ᑲᓇᑕ).
ᑕᐃᔭᐅᒍᓯᖓ ᑐᓴᒐᒃᓴᓂ ᔨᐊᓗᓇᐃᒥᑦ, ᔭᓄᐊᕆ 8, 1999.
ᑕᐃᔭᐅᒍᓯᖓ ᑐᓴᒐᒃᓴᓂ ᔨᐊᓗᓇᐃᒥᑦ, ᔭᓄᐊᕆ 8, 1999.
ᐸᕐᓇᒃᓯᒪᓚᐅᕐᓯᒪᔪᒍᑦ ᑐᐊᕕᕐᓇᕐᑐᒃᑯᑦ ᐃᖃᔪᕈᑎᒃᓴᓂᒃ ᑐᔪᐃᒋᐊᖅ ᓱᑲᑦᑲᒧᑦ ᓄᓐᖑᐊᓂ ᐊᕐᕌᒍᑉ, ᑭᖑᓂᐊᒍᓪᓗ ᑲᒪᒋᐊᕐᓂᐊᕐᓗᑎᒃ ᐊᑯᓂᐅᔪᒧᑦ ᑐᕌᖓᔪᓂᒃ ᐃᑲᔪᕈᑎᒃᓴᓂᒃ ᐅᑭᐅᕐᑕᑐᐊᓄᑦ ᐅᓛᓯᐊᑉ. ᑕᒪᓐᓇ ᑐᐊᕕᕐᑐᒃᑯᑦ ᐃᑲᔪᕆᖃᓚᐅᕐᓂᖅ ᖃᐅᔨᒪᔭᐅᓂᖃᓚᐅᕐᑐᖅ ᐃᓄᐃᑦ ᑐᐊᕕᕈᑎᖏᑦ, "The Inuit Express.”
ᓱᓇᓂᒃ ᑭᓐᖑᒪᑦᓯᕙᑦ ᐃᓄᖏᑦ ᓱᑲᑦᑲᒥᐅᑦ? ᓱᓇᐃᑦ ᐊᐅᓪᓚᕐᑎᑕᐅᑦᓴᐅᑎᒋᒋᐊᖃᕐᐸᑦ?
ᓂᖀᑦ, ᕿᐲᑦ, ᐸᑎᐅᔭᐃᑦ, ᐊᒻᒪ ᐃᑲᔪᕈᑎᒃᓴᐃᑦ ᑐᐊᕕᕐᓇᕐᑐᒃᑯᕐᑐᖃᕐᑎᓪᓗᒍ ᐊᒻᒪ ᓱᓇᕐᕈᑎᖏᑦ ᐃᑲᔪᕈᑎᒃᓴᐃᑦ - ᑕᒪᕐᒥᒃ ᑕᒪᒃᑯᐊ ᐊᐅᓪᓚᕐᑎᑕᐅᓚᐅᕐᓯᒪᔪᑦ ᐋᑐᕗᐊᑉ ᒥᑦᑕᕐᕕᐊᓂᑦ ᐅᓯᓕᕐᑐᕐᑕᐅᓪᓗᓂ ᖃᖓᑕᓲᖅ ᐊᑭᓕᕐᑐᕐᑕᐅᓇᑎᒃ ᐃᑲᔪᕐᑎᓄᑦ ᐊᒻᒪ ᐃᖅᑲᓇᐃᔭᕐᑎᖏᓐᓄᑦ ᐊᐃᓯᓯ ᑲᓇᑕᒥᑦ, ᐃᓄᐃᑦ ᑕᐱᕇᑦ ᑲᓇᑕᒥ, ᑲᓇᑕᒥᓗ ᑐᐊᕕᕐᓇᕐᑐᖃᑎᓪᓗᒍ ᐃᑲᔪᕐᑏᓂᑦ, ᐃᓕᕆᔨᑐᖃᒃᑯᓐᓂᓪᓗ ᐃᑲᔪᕐᑕᐅᓪᓗᑎᒃ. ᐃᖅᑲᓇᐃᔭᕐᑎᕗᑦ ᐊᓪᓛᑦ ᒪᓕᑦᑎᖃᓚᐅᕐᓯᒪᔪᑦ ᐃᓚᒥᓂᒃ ᐴᕐᑐᐃᖃᑕᐅᔪᒃᓴᓂᒃ ᑐᐊᕕᕐᓇᕐᑐᒃᑯᑦ.
ᐴᕐᑐᕐᓯᒪᔪᑦ ICRC ᓂᖀᑦ ᐊᔾᔨᑲᓴᖏᑦ ᑐᓂᔭᐅᓚᕐᑐᑦ ᐱᓕᕆᓂᒃᑯᑦ ᑕᒪᑐᒥᐊ. ᓇᕿᓪᓗᒍ ᑕᑯᒋᐊᓪᓚᒍᒪᒍᕕᑦ ᑐᑭᓯᒋᐊᕐᕕᒃᓴᓂᒃ ᑐᐊᕕᕐᓇᕐᑐᓕᕆᔨᓂᑦ, Red Cross ᐃᑲᔪᕈᑕᐅᓯᒪᔪᓂᒃ. ᐊᔾᔨᖑᐊᖅ: ᑲᓇᑕᒥ ᑐᐊᕕᕐᓇᕐᑐᓕᕆᔨᒃᑯᑦ, Canadian Red Cross.
ᐴᕐᑐᕐᓯᒪᔪᑦ ICRC ᓂᖀᑦ ᐊᔾᔨᑲᓴᖏᑦ ᑐᓂᔭᐅᓚᕐᑐᑦ ᐱᓕᕆᓂᒃᑯᑦ ᑕᒪᑐᒥᐊ. ᓇᕿᓪᓗᒍ ᑕᑯᒋᐊᓪᓚᒍᒪᒍᕕᑦ ᑐᑭᓯᒋᐊᕐᕕᒃᓴᓂᒃ ᑐᐊᕕᕐᓇᕐᑐᓕᕆᔨᓂᑦ, Red Cross ᐃᑲᔪᕈᑕᐅᓯᒪᔪᓂᒃ. ᐊᔾᔨᖑᐊᖅ: ᑲᓇᑕᒥ ᑐᐊᕕᕐᓇᕐᑐᓕᕆᔨᒃᑯᑦ, Canadian Red Cross.
ᑐᑭᓕᐊᕐᑐᒦᑦᑐᑦ ᑐᖅᑯᑐᐃᔪᑦ ᐃᕐᓯᕕᓐᓄᑦ ᓂᕿᓂᒃ ᐊᔾᔨᒌᓂᒃ: ᐸᑐᕐ, ᐸᓚᐅᕌᖅ, ᐃᒻᒧᑦ, ᑕᕆᐅᖅ, ᒪᒪᕐᓴᐅᑎᒃ, ᐱᕈᕐᑐᕕᓃᑦ ᐅᕐᓱᖓ, ᑏ, ᐅᓪᓚᑯᑐᒐᐃᑦ, ᐊᒻᒪ ᐸᓚᐅᒐᑦᓴᔭᐃᑦ ᓂᖀᑦ, ᐹᔅᑕ. ᑕᒪᒃᑯᐊ ᓂᖀᑦ ᐃᓚᒋᓕᐅᑎᒐᔭᕐᑎᓪᓗᒋᑦ ᓂᕿᑐᖃᖏᓐᓄᑦ ᐃᓄᖏᑕ ᓱᑲᑦᑲᒥ ᐱᕐᓕᕋᓕᕐᑎᓪᓗᒋᑦ.
ᕼᐊᓐᓇᓚᖏᓐᓃᑦᑐᑦ ᐃᕐᓯᕖᑦ ᐃᑲᔪᕈᑎᒃᓴᓂᒃ ᐴᕐᑐᕐᓯᒪᔪᑦ ᐊᔾᔭᕐᑕᐅᓪᓗᑎᒃ First Air,ᑯᓐᓄᑦ ᑎᒻᒥᔫᖅ Boeing 727. ᐃᓄᓐᓄᑦ ᓇᒻᒥᓂᕆᔭᐅᔪᑦ, ᕗᕐᑦ ᐃᐅ, First Air ᐊᑭᓖᑎᑦᓯᓗᐊᓚᐅᕐᓯᒪᖏᑦᑐᑦ.
ᖃᖓᑕᓲᖅ ᐸᕐᓇᓇᐃᕐᓯᒪᓕᓚᐅᕐᓯᒪᔪᖅ ᑎᓯᐱᕆ 18,ᒥ ᐊᔾᔭᕐᓯᒋᐊᖅ ᖁᕕᐊᓱᒡᕕᒻᒧᑦ. ᑭᓯᐊᓂ, ᑲᓇᑕᒥ ᑭᒡᒐᕐᑐᕐᑎᑦ (Canadian Embassy) ᐃᓱᒪᓕᐅᓚᐅᕐᓯᒪᔪᑦ (ᐱᓕᕆᔪᑦ ᐸᕐᓇᒃᑐᑦ ᑕᐃᒪᐃᖁᔨᖏᒃᑲᓗᐊᕐᑎᓪᓗᒋᑦ) ᑭᖑᕙᕆᐊᖁᔨᓚᐅᕐᓯᒪᒻᒪᑕ ᔭᓄᐊᕆᒧᑦ.
ᖁᕕᐊᓱᒡᕕᒻᒧᑦ ᓈᒻᒪᓇᕐᓯᒋᐊᕐᓂᖅ ᐃᑲᔪᕈᑎᒃᓴᓂᒃ
ᔭᓄᐊᕆ 5,ᒥ, ᐃᓄᐃᑦ ᑐᐊᕕᕈᑎᖏᑦ, Inuit Express ᐊᐅᓪᓚᕐᑎᑕᐅᓚᐅᕐᓯᒪᔪᑦ ᐋᑐᕗᐊᒥᑦ.
ᖃᖓᑕᔪᒥᓚᐅᕐᑐᑦ ᐃᖅᑲᓇᐃᔭᕐᑎᖏᑦ ᐊᐃᓯᓯ ᑲᓇᑕᒥᑦ, ᑲᓇᑕᒥᓗ ᑐᐊᕕᕐᓇᕐᑐᖃᕐᑎᓪᓗᒍ ᐃᑲᔪᕐᑏᑦ, ᓯᑕᒃᑯᑦ, CIDA, ᐊᒻᒪ ᐃᓄᓕᕆᔨᑐᖃᒃᑯᑦ.
ᖃᖓᑕᓲᖅ ᒥᖃᑦᑕᓚᐅᕐᑐᖅ ᔨᐊᓗᓇᐃᒧᑦ ᐊᒻᒪ ᐊᑯᕆᑦᒧᑦ ᐃᖏᕐᕋᓯᓪᓗᑎᓪᓗ Bering Strait,ᑯᑦ ᓱᑲᑦᑲᒧᑦ. ᓄᖅᑲᕆᐊᑕᒫᑦ, ᐃᓄᐃᑦ ᓄᓇᓕᓐᓂᑦ ᐅᐸᖃᑦᑕᓚᐅᕐᑐᑦ ᐃᑲᔪᕆᐊᕐᑐᑦ ᐱᓕᕆᐊᖑᔪᓄᑦ.
ᑖᒃᑯᐊ Inuit Express ᑎᑭᓚᕐᑐᑦ ᐊᓇᑐᕐᒧᑦ ᓱᑲᑦᑲᒧᑦ ᔭᓄᐊᕆ 6,ᒥ -
ᖁᕕᐊᓱᒡᕕᒻᒥ ᐅᓐᓄᐊᖑᓕᕐᑐᒥ ᑭᑦᑐᑦ ᐅᓛᓯᐊᒧᑦ!
ᐅᓛᓯᐊᒥ ᓇᓗᓇᐃᒃᑯᑕᖅ. ᑭᒃᑯᑐᐃᓐᓇᕐᓄᐊᖓᔪᖅ.
ᐅᓛᓯᐊᒥ ᓇᓗᓇᐃᒃᑯᑕᖅ. ᑭᒃᑯᑐᐃᓐᓇᕐᓄᐊᖓᔪᖅ.
"ᑕᒪᕐᒥᒃ ᐱᓕᕆᖃᑕᐅᓯᒪᔪᓕᒫᑦ ᑕᒪᑐᒧᖓ ᖁᔭᓕᔪᑦ ᒐᕙᒪᓂᒃ ᐊᒻᒪ ᐃᑲᔪᕈᑎᒃᓴᓂᒃ ᐅᓛᓯᐊᒥ ᑐᓂᐅᖅᑲᐃᓂᒃᑯᑦ. ᐃᖃᔪᕈᑎᒃᓴᐃᑦ ᑐᓂᔭᐅᒋᐊᖃᒪᑕ ᐃᑲᔪᕐᑕᐅᒋᐊᖃᒻᒪᕆᑦᑐᓄᑦ, ᒐᕙᒪᓅᖏᑦᑐᖅ."
"All involved in this project appreciate the political and practical difficulties in Russia of distributing aid. It must go to the people who need it, not to governments."
ᐊᓇᑐᕐᒥᑦ, ᐊᔾᔭᕐᑐᕐᑐᑦ ᐃᑲᔪᕈᑎᒃᓴᓂᒃ ᓇᓪᓕᑭᑕᓚᐅᕐᓯᒪᔪᑦ ᖁᓕᒥᒎᓕᒃᑯᑦ ᐃᓄᑭᑦᑐᒧᑦ, ᐅᖓᓯᑦᑐᓪᓗᑎᓪᓗ ᔫᑉᐱᒧᑦ ᐊᒻᒪ ᓴᒃᓯᒧᑦ ᐅᑭᐅᕐᑕᕐᑐᐊᓂ ᐹᓯᐊᑉ. ᑲᓇᑕᒥ ᑐᐊᕕᕐᓇᕐᑐᖃᕐᑎᓪᓗᒍ ᐃᑲᔪᕐᑎᐅᔪᑦ ᐅᐸᓚᐅᕐᓯᒪᔪᑦ ᓚᕝᕋᓐᑎᔭᒧᑦ (Lavrentiya) ᐊᒻᒪ ᐃᓄᕐᒥᓄᒧᑦ (Enurmino), ᐊᐃᓯᓯᒃᑯᑦ ᐅᐸᑦᑎᓪᓗᒋᑦ ᓯᕆᓂᑭᒧᑦ (Sireniki) ᐊᒻᒪ ᔭᓐᕋᑮᓇᑦᒧᑦ (Yanrakynnot).
ᓯᐅᕆᓂᑭ (Sireniki), ᔭᓄᐊᕆ 7, 1999. ᐊᔾᔨᖑᐊᖅ: ᕼᐃᕈᓪ ᕕᒃᓗᕐ (Harald Finkler), (DIAND/ᐊᐃᓯᓯ ᑲᓇᑕᒥ).
ᓯᐅᕆᓂᑭ (Sireniki), ᔭᓄᐊᕆ 7, 1999. ᐊᔾᔨᖑᐊᖅ: ᕼᐃᕈᓪ ᕕᒃᓗᕐ (Harald Finkler), (DIAND/ᐊᐃᓯᓯ ᑲᓇᑕᒥ).
ᐱᔾᔪᑕᐅᓪᓗᓂ ᐅᓛᓯᐊᑉ ᒐᕙᒪᖏᑕ ᑲᔪᓯᑦᓯᐊᕈᓐᓇᐃᕐᓂᖏᑦ ᐊᕐᓱᕈᕐᓇᓚᐅᕐᑐᖅ ᐃᑲᔪᕈᑎᒃᓴᓂᒃ ᑐᓂᓯᒋᐊᖅ ᐃᑲᔪᕐᑕᐅᒋᐊᖃᓂᕐᐹᓄᑦ.
ᓯᕗᓕᐅᕐᑏᑦ ᐊᐃᓯᓯ ᐅᓛᓯᐊᒥᑦ ᐊᒻᒪ RAIPON,ᑯᑦ ᐃᖏᕐᕋᖃᑎᒋᓚᐅᕐᑕᕗᑦ ᐃᑲᔪᕈᑎᒃᓴᓂᒃ ᐊᔾᔭᕐᓯᓪᑕ ᐃᑲᔪᕐᑕᐅᒋᐊᖃᓂᕐᐹᓄᑦ ᓄᓇᓕᑐᖃᑦᓴᔭᐃᑦ ᓄᓇᓕᖏᓐᓄᑦ. ᐅᖓᑖᓄᑦ 1,300 ᐃᓄᐃᑦ ᐃᑲᔪᕈᑎᒃᓴᓂᒃ ᑐᓂᔭᐅᓚᐅᕐᑐᑦ ᐊᓐᓇᐅᒪᒍᑎᒃᓴᖏᓐᓂᒃ.
ᔭᓐᕋᑮᓇᑦᒧᑦ (Yanrakynnot), ᔭᓄᐊᕆ 8, 1999. ᐊᔾᔨᖑᐊᖅ: ᕼᐃᕈᓪ ᕕᒃᓗᕐ (Harald Finkler), (DIAND/ᐊᐃᓯᓯ ᑲᓇᑕᒥ).
ᔭᓐᕋᑮᓇᑦᒧᑦ (Yanrakynnot), ᔭᓄᐊᕆ 8, 1999. ᐊᔾᔨᖑᐊᖅ: ᕼᐃᕈᓪ ᕕᒃᓗᕐ (Harald Finkler), (DIAND/ᐊᐃᓯᓯ ᑲᓇᑕᒥ).
ᑲᓇᑕᒥ ᐊᐃᓯᓯᒃᑯᑦ ᑲᑎᖃᑎᖃᓚᐅᕐᑐᑦ ᐊᒥᓱᓂᒃ ᓄᓇᓕᓐᓂ ᐃᓄᖏᓐᓂᒃ, ᓄᓇᖃᖅᑳᕐᓯᒪᔪᓪᓗ ᓯᕗᓕᐅᕐᑎᖏᓐᓂᒃ, ᐊᒻᒪ ᒐᕙᒪᖏᓐᓂ ᐅᓛᓯᐊᑉ ᐱᓕᕆᓂᕐᒥᓂ ᓄᓇᖏᓐᓂ.
ᐊᕐᓱᕈᒻᒪᕆᓚᐅᕐᑐᒍᑦ ᐊᔪᐃᓐᓇᕐᓱᑕ ᑐᑭᓯᒐᓱᐊᕆᐊᖅ ᐊᑲᐅᖏᓕᐅᑎᖏᓐᓂᒃ ᐊᒻᒪ ᐃᓱᒫᓗᒍᑎᒋᔭᖏᓐᓂᒃᐃᑲᔪᕈᑎᒋᔪᓐᓇᕐᑕᑦᑎᓐᓂᒃ.
ᐃᑲᔪᕆᐊᕐᑐᕐᓯᒪᔪᑦ ᐅᑎᓚᐅᕐᑐᑦ ᓄᓇᒥᓄᑦ ᔭᓄᐊᕆ 11,ᒥ ᓈᒥᒃᑯᑦ, ᐊᓛᔅᑲ.
ᐊᐃᓯᓯ ᑲᓇᑕᒥ ᐊᒻᒪ ᑐᐊᕕᕐᓇᕐᑐᖃᕐᑎᓪᓗᒍ ᐃᑲᔪᕐᑏᑦ, Red Cross ᐃᑲᔪᖏᓐᓇᕈᒪᓚᐅᕐᑐᑦ. ᕿᓚᒥᐊᐱᒃ ᐸᕐᓇᒃᐸᓪᓕᐊᓯᓚᐅᕐᓯᒪᔪᒍᑦ ᓯᕗᓂᒃᓴᒧᑦ ᐃᑲᔪᕈᑎᒃᓴᓂᒃ ᐊᒻᒪ ᐃᑲᔪᒃᑲᓐᓂᕈᑎᒃᓴᓂᒃ.
ᐃᑲᔪᕈᑎᒃᓴᓕᕆᓚᐅᕐᑎᓐᓇᒋᑦ ᑲᑎᒪᒍᑕᐅᓯᒪᔪᓂᒃ ᑐᓴᕈᑏᒃᓴᐃᑦ ᐊᒻᒪ ᑐᒃᓯᕋᕈᑕᐅᓯᒪᔪᑦ ᑐᐊᕕᕐᓇᕐᑐᒃᑯᑦ ᐃᑲᔪᕐᑕᐅᔪᒪᓂᕐᒧᑦ. ᑐᒃᓯᕋᐅᑎᕕᓃᑦ ᐊᑐᐃᓐᓇᐅᔪᑦ ᖃᕆᑕᐅᔭᒃᑯᑦ. ᐊᔾᔨᓕᐊᖓ: ᐅᑭᐅᕐᑕᕐᑐᓕᒫᒧᑦ ᑲᑎᒪᔨᕐᔪᐊᑦ ᑲᓇᑕᒥ ᐸᐸᑕᖏᑦ.
ᐃᑲᔪᕈᑎᒃᓴᓕᕆᓚᐅᕐᑎᓐᓇᒋᑦ ᑲᑎᒪᒍᑕᐅᓯᒪᔪᓂᒃ ᑐᓴᕈᑏᒃᓴᐃᑦ ᐊᒻᒪ ᑐᒃᓯᕋᕈᑕᐅᓯᒪᔪᑦ ᑐᐊᕕᕐᓇᕐᑐᒃᑯᑦ ᐃᑲᔪᕐᑕᐅᔪᒪᓂᕐᒧᑦ. ᑐᒃᓯᕋᐅᑎᕕᓃᑦ ᐊᑐᐃᓐᓇᐅᔪᑦ ᖃᕆᑕᐅᔭᒃᑯᑦ. ᐊᔾᔨᓕᐊᖓ: ᐅᑭᐅᕐᑕᕐᑐᓕᒫᒧᑦ ᑲᑎᒪᔨᕐᔪᐊᑦ ᑲᓇᑕᒥ ᐸᐸᑕᖏᑦ.
ᐱᒋᐊᕐᓂᐊᓂᑦ ᐃᓱᓕᓐᓂᐊᓄᑦ, ᐊᕐᓱᕈᕐᓇᕐᑐᒃᑯᕐᑐᓂᒃ ᐃᑲᔪᕋᓱᐊᕐᓂᕐᒧᑦ ᐱᓕᕆᐊᖑᓚᐅᕐᑐᖅ ᐅᓄᖏᓐᓂᕐᓴᓂ ᑕᖅᑭᓂ ᐱᖓᓱᓂ.
ᑲᓇᓐᓇᕐᐸᓯᐊᓂ ᐅᖓᓯᑦᑐᒥ ᓯᓚᕐᔪᐊᒥ ᐃᑲᔪᕋᓱᐊᕐᓂᖅ!
"ᑕᒪᒃᑯᐊ ᐃᑲᔪᕈᑎᒃᓴᐃᑦ ᓈᒻᒪᓈᓚᐅᕐᑐᑦ ᐊᒻᒪ ᐱᐅᓂᕐᓴᓂᒃ ᓂᕆᐅᒍᓐᓇᕐᓯᒍᑕᐅᓪᓗᑎᒃ ᐃᓄᖏᓐᓄᑦ ᐅᖓᓯᑦᑐᒥ ᓄᓇᓖᑦ, ᒪᑭᑎᑦᓯᒋᐊᕐᓱᑎᒃ ᓂᕆᐅᓐᓂᖃᑦᓯᐊᕐᓂᕐᒥᒃ ᐃᒫᒃ ᐃᖅᑲᐅᒪᔭᒥᓄᑦ ᒪᑭᑕᑦᓯᐊᓂᕐᒧᑦ ᐅᑎᕆᐊᖅ ᐊᒻᒪ ᐃᑲᔪᕐᑕᐅᒋᐊᖅ ... ᖃᐅᔨᒪᔭᐅᓂᖃᑐᑦ ᓄᓇᖃᖅᑳᕐᓯᒪᔪᑦ ᑲᑐᔾᔨᐊᑎᒌᖏᑦ ᒐᕙᒪᐃᓪᓗ, ᑲᔪᓯᑎᑦᓯᓯᐊᕈᓐᓇᕐᓂᖏᓐᓂᒃ ᓲᕐᓗ ᑕᐃᒪᓐᓇ ᐱᓕᕆᐊᒃᓴᓂᒃ.”
"This aid was very timely and brought some relief to the people residing in remote communities, thus re-igniting their hope and confidence in the fact that they are remembered and cared for. ... We have been able to prove that Aboriginal organizations, in cooperation with government agencies, can successfully carry out such activities."
- ᑎᑎᖅᑲᖅ ᐅᕙᖔᕐᑐᖅ ᓱᕐᔨ ᑲᕆᐅᑦᓯ (Sergey Kharyuchi), RAIPON,ᑯᑦ ᐊᖓᔪᖅᑳᖓᓐᓂᑦ, ᓰᓚ ᕗᐊᑦ-ᒃᓗᑦᓴᐃᒧᑦ, ᐊᐃᓯᓯᒃᑯᑦ ᑲᓇᑕᒥ ᐊᖓᔪᖅᑳᖓᓄᐊᕐᑐᑦ, ᔭᓄᐊᕆ 28, 1999,ᒥ. ᓇᐃᓪᓕᒋᐊᕐᓯᒪᓪ ᓗᑎᒃ ᑐᓴᕈᑎᓂᑦᑐᑦ ᐊᕐᓱᕈᕐᓇᕐᑐᒃᑯᕐᑐᖃᕐᑎᓪᓗᒍ ᐃᑲᔪᕐᓂᐅᑉ ᐅᓛᓯᐊᑉ ᐅᑭᐅᕐᑕᕐᑐᐊᒥ ᒥᒃᓵᓄᐊᖓᔪᑦ.
ᓯᕆᓂᑭ (Sireniki), ᔭᓄᐊᕆ 7, 1999. ᐊᔾᔨᖑᐊᖅ: ᕼᐃᕈᓪ ᕕᒃᓗᕐ (Harald Finkler), (DIAND/ᐊᐃᓯᓯ ᑲᓇᑕᒥ).
ᓯᕆᓂᑭ (Sireniki), ᔭᓄᐊᕆ 7, 1999. ᐊᔾᔨᖑᐊᖅ: ᕼᐃᕈᓪ ᕕᒃᓗᕐ (Harald Finkler), (DIAND/ᐊᐃᓯᓯ ᑲᓇᑕᒥ).
ᑭᖑᓂᐊᓂ
ᑲᓇᑕᒥ ᐊᐃᓯᓯᒃᑯᑦ ᑐᕌᕐᑕᖓ ᑲᔪᓯᑦᓯᐊᓚᐅᕐᑐᑦ: ᓂᖀᑦ, ᐃᑲᔪᑲᐃᓐᓇᕈᑎᒃᓴᐃᑦ, ᐊᒻᒪ ᓂᕆᐅᑦᓯᐊᕈᓐᓇᕐᓂᖅ ᐊᑐᕐᑕᐅᓕᓚᐅᕐᑐᑦ ᐃᓄᐃᓐᓄᑦ ᓱᑲᑦᑲᒥ. ᐅᑯᐊ RAIPON ᖁᔭᓕᓯᒪᔪᑦ ᐊᒥᓱᐊᕐᑎᕐᓱᑎᒃ ᑲᓇᑕᒥ ᐊᐃᓯᓯᒃᑯᓐᓂᒃ ᑭᒡᒐᕐᑐᕐᓱᒋᑦ ᓱᑲᑦᑲᒥᐅᓂᒃ ᐊᕐᓱᕈᕈᔾᔨᓯᒪᒻᒪᑕ.
ᐅᒡᒍᓇᕐᑑᒐᓗᐊᖅ, ᐸᕐᓇᒃᓯᒪᔭᕗᑦ ᐊᒻᒪ ᑐᒃᓯᕋᕐᑕᕗᑦ ᐃᑲᔪᕐᕈᑎᒃᓴᓂᒃ ᐊᖏᕐᑕᐅᓚᐅᕐᓯᒪᖏᒻᒪᑕ ᓯᑕᒃᑯᓐᓄᑦᒪ CIDA. ᑭᓯᐊᓂ, ᓯᑕᒃᑯᑦ, CIDA ᐊᓯᐊᒍᑦᑕᐅᖅ ᐃᑲᔪᕈᑎᒃᓴᖃᕐᓯᒪᔪᑦ ᐱᓕᕆᖃᑎᖃᓂᒃᑯᑦ ᑲᓇᑕᒥ ᑐᐊᕕᕐᓇᕐᑐᖃᑎᓪᓗᒍ ᐃᑲᔪᕐᑎᓂᒃ (Canadian Red Cross).
ᐃᓚᐅᒍᓐᓇᐃᕋᓗᐊᕐᑎᓪᓗᑕ ᑕᒪᑐᒧᖓ, ᐊᐃᓯᓯᒃᑯᑦ ᐊᑐᓕᖁᔭᐅᓯᒪᔪᒥᒃ ᐊᖏᕈᑎᖃᓚᐅᕐᓯᒪᔪᑦ 1999,ᒥ ᐊᔭᐅᕆᓂᒃᑯᑦ Red Cross,ᑯᓐᓂᒃ ᑲᔪᓯᖏᓐᓇᖁᓪᓗᒋᑦ ᐱᓕᕆᖃᑎᖃᕆᐊᖅ RAIPON,ᑯᓐᓂᒃ ᐃᑲᔪᕈᑎᒃᓴᓕᕆᓂᒃᑯᑦ ᐊᕐᓱᕈᕐᓇᕐᑐᒥᑦᑐᓄᑦ.
ᑲᓇᑕᒥ ᐊᐃᓯᓯᒃᑯᑦ ᓱᓕ ᐊᕐᓱᕈᐃᓐᓇᓚᐅᕐᑐᑦ ᐃᑲᔪᕋᓱᐊᕐᓱᑎᒃ ᐃᓄᓐᓂᒃ ᓱᑲᑦᑲᒥ, ᖃᓄᑐᐃᓐᓇᖅ ᐃᑲᔪᕈᑎᒃᓴᐃᑦ ᐊᑯᓂᑯᑦ ᑲᒪᒋᔭᐅᒐᓗᐊᕐᐸᑕ.
ᑕᕆᔭᕋᒃᓴᖅ The Other Edge of the World ᑕᑯᒃᓴᐅᔪᓐᓇᕐᑐᖅ ᖃᕆᑕᐅᔭᒃᑯᑦ, ᐊᒻᒪ ᐊᑐᐃᓐᓇᐅᓪᓗᑎᒃ VHS ᓂᐱᓕᐅᕐᓯᒪᔪᑦ ᐊᒻᒪ ᕿᓪᓕᕐᑐᓃᑦᑐᑦ ᑕᕐᕆᔭᒐᒃᓴᖅ. ᐊᔾᔨᓕᐊᖓ: ᐅᑭᐅᕐᑕᕐᑐᓕᒫᒧᑦ ᑲᑎᒪᔨᕐᔪᐊᑦ ᑲᓇᑕᒥ ᐸᐸᑕᖏᑦ.
ᑕᕆᔭᕋᒃᓴᖅ The Other Edge of the World ᑕᑯᒃᓴᐅᔪᓐᓇᕐᑐᖅ ᖃᕆᑕᐅᔭᒃᑯᑦ, ᐊᒻᒪ ᐊᑐᐃᓐᓇᐅᓪᓗᑎᒃ VHS ᓂᐱᓕᐅᕐᓯᒪᔪᑦ ᐊᒻᒪ ᕿᓪᓕᕐᑐᓃᑦᑐᑦ ᑕᕐᕆᔭᒐᒃᓴᖅ. ᐊᔾᔨᓕᐊᖓ: ᐅᑭᐅᕐᑕᕐᑐᓕᒫᒧᑦ ᑲᑎᒪᔨᕐᔪᐊᑦ ᑲᓇᑕᒥ ᐸᐸᑕᖏᑦ.
ᐊᓯᖏᑦ ᓯᓚᐅᕐᔪᐊᒥᐅᒃ: The Other Edge of the World
"ᐊᓄᕆᕕᔾᔪᐊᓯᑐᐊᕐᒪᑦ ᕿᓚᒥᐊᐱᒃᑯᑦ, ᓲᕐᓗ, ᓴᐅᑦ ᐊᒥᐊᓕᑲᒥ, ᕼᐊᓐᑐᐊᕋᔅᒥ, ᓇᑭᑐᐃᓐᓈᓗᒃ ᑐᓴᒐᒃᑯᕈᑎᐅᓲᒍᒻᒪᑕ ᕿᓚᒥᐊᐱᒃ. ᐊᒻᒪ ᐃᑲᔪᕈᒪᓕᕐᓱᑎᒃ ᐊᒥᓱᑦ, ᐊᒻᒪ ᑕᒪᕐᒥᒃ ᐃᑲᔪᕈᒪᓕᕐᐸᒻᒪᑕ.
ᐅᓛᓯᐊᑉ ᐅᑭᐅᕐᑕᕐᑐᐊᓂ, ᑕᐃᒪᐃᑦᑐᓂᒃ ᐱᑕᖃᖏᑦᑐᖅ. ᑕᑯᖃᑦᑕᕐᓯᒪᔪᒍᑦ ᐃᓄᖏᓐᓂᒃ ᐊᕐᓱᕈᕐᑐᓂᒃ ᓂᕿᖃᕋᑎᒃ, ᐅᖅᑯᓴᐅᑎᖃᕋᑎᒃ, ᖃᐅᒻᒪᖅᑯᑎᕋᑎᒃ ᐃᑭᑦᑕᕐᑐᓂᒃ, ᐊᒻᒪ ᒥᔪᐊᐱᓐᓂᒃ ᐃᑲᔪᕐᑕᐅᔾᔪᑎᒃᓴᖃᕐᑐᑦ. ᐊᒻᒪ ᐱᔾᔪᑕᐅᓪᓗᓂ ᑕᑯᓪᓚᑦᑕᕐᓯᒪᖏᓐᓇᑦᑕ, ᑕᐃᒪᐃᑦᑐᒃᑯᑦ ᐃᓄᒐᓱᐊᕐᑐᕆᑦᓯᖏᑦᑐᒍᑦ.”
"The minute there's a hurricane, for example, in South America, Honduras, we see all of that in the media immediately. And there's a compassion that wells up in everybody, and everybody wants to do something to help.
In Arctic Russia, we see nothing. We see nothing about these people who are struggling with no food, with no heat, with no electricity, and meager, meager resources. And because we don't see it, we think it doesn't exist."
- ᓰᓚ ᕗᐊᑦ-ᒃᓘᓴᐃ, ᐊᖓᔪᖅᑳᖑᓚᐅᕐᑐᖅ ᑲᓇᑕᒥ ᐊᐃᓯᓯᒃᑯᓐᓄᑦ, ᐅᕙᓂᑦᑐᖅ The Other Edge of the World
The Other Edge of the World (ᐊᓯᖏᑦ ᓯᓚᐅᕐᔪᐊᒥᐅᒃ) ᑕᕐᕆᔭᒐᒃᓴᖅ ᐅᓂᒃᑳᕐᓯᒪᔪᖅ ᑲᓇᑕᒥ ᐃᑲᔪᕐᑎᐅᔪᑦ ᐱᓕᕆᓚᐅᕐᓂᖓᓂᒃ ᐃᑲᔪᓱᑎᒃ ᐅᓛᓯᐊᒥ ᐅᑭᐅᕐᑕᕐᑐᒥᐅᓂᒃ.
ᖃᓄᐃᓘᕈᒪᓕᕐᓂᖏᑦ ᑭᖑᓪᓕᕐᒥ:
ᑲᓇᑕᒥ ᐃᓄᐃᑦ ᐱᓕᕆᐊᖏᑦ
ᑲᓇᑕᒥ ᐊᐃᓯᓯᒃᑯᑦ ᑮᓇᐅᔭᓂᒃ ᓄᐊᑦᓯᓂᐊ ᐃᓄᖏᓐᓄᑦ ᓱᑲᑦᑲᐅᑉ
1999,ᒥ, ᐃᓄᐃᑦ ᓄᓇᖃᕐᑐᑦ ᓱᑲᑦᑲᒥ ᐃᓅᒐᓱᐊᕐᓂᒃᑯᑦ ᐊᕐᓱᕈᕐᓇᖅᑯᕐᐸᓪᓕᐊᑐᐃᓐᓇᕐᑐᑦ. ᑲᓇᑕᒥ ᐊᐃᓯᓯᒃᑯᑦ ᐃᖅᑲᓇᐃᔭᕐᑎᖓ ᐅᓂᒃᑳᓚᐅᕐᓯᒪᔪᖅ ᑐᓴᕐᑕᕕᓂᕐᒥᓂᒃ ᐃᓚᒥᓂᑦ ᓱᑲᑦᑲᒥ:
"ᐃᓪᓗᕆᔭᐅᔪᑦ ᑲᑎᓐᖓᔪᑦ ᐊᒻᒪ ᐊᓪᓚᕕᖏᑦ, ᓂᐅᕕᕐᕕᖏᓪᓗ ᐊᒻᒪ ᓂᕆᕕᖏᑦ ᓱᒃᑯᒻᒪᕆᐊᓘᓚᐅᕐᑐᑦ. ᐃᒐᓛᖏᑦ ᐅᒃᑯᐊᖏᓪᓗ ᓱᕋᑦᑎᕐᓯᒪᓪᓗᑎᒃ. ᐋᖅᑭᒃᓱᐃᔨᖃᖏᑦᑐᑦ ᕿᓚᒥᒃᑯᑦ. ᑮᓇᐅᔭᕐᑕᖃᕋᓂᓗ ᐸᕐᓇᒃᓯᒪᔪᓂᒃ. “ᐃᖅᑲᐃᒍᑎᒋᓚᐅᕐᑕᒃᑲ ᐅᓇᑕᕐᔪᐊᕐᑐᓂ ᑐᓪᓕᐊᓂ, World War II,” [ᐃᓚᕆᒃᑲ] ᐅᖃᓚᐅᕐᑐᖅ ᑎᑎᖅᑲᑎᒍᑦ.”
"Apartments and office buildings, stores and restaurants are in deplorable condition. The windows and doors are broken. No one will take care of them now. There is no money in the budget. “It reminded me of World War II,” [my family member] said in her letter."
"ᐅᕙᓂ [ᓄᕗᔨ-ᓴᐳᓕᓄ], ᓄᓇᓕᓐᓂ ᐱᕈᖅᓴᓚᐅᕐᓯᒪᔪᖓ, ᓂᕿᖃᖏᑦᑐᒥ ᓂᐅᕕᕐᕕᖓᓂ ᑭᓯᐊᓂ ᓂᐅᕕᐊᒃᓴᖃᓱᑎᒃ ᓱᑲᕐᒥᒃ, ᐃᖅᑭᐅᔭᒥᒃ, ᐊᒻᒪ ᐳᕙᓪᓚᑦᓴᐅᑎᒥᒃ. ᓂᕿᑐᐊᖃᓕᕐᑐᑦ ᓂᕿᑐᖃᒥᓂᒃ ᑐᓂᔭᐅᕙᒃᑲᒥᒃ ᐊᖑᓇᓱᑦᑎᓄᑦ ᓄᓇᓕᖏᓐᓂ. ᓄᓇᓕᓐᓂ ᐆᒪᔪᕐᓯᐅᕐᑏᑦ ᑎᑎᕋᕆᐊᓕᑦ ᓄᓇᓕᓐᓂ ᓴᐳᒻᒥᔨᓐᓄᑦ ᐊᑐᕐᓂᐊᕈᑎᒃ ᐅᒥᐊᕐᓂᒃ ᐆᒪᔪᕐᓯᐅᓕᕈᑎᒃ ᕿᓚᓗᒐᕐᓂᒃ ᐊᒻᒪ ᐊᐃᕕᕐᓂᒃ. ᐅᑎᕈᑎᒃ ᑭᖑᕙᓪᓗᑎᒃ, ᐸᓕᓯᓄᑦ ᐊᕐᓴᕐᑕᐅᒐᔭᕐᓱᑎᒃ ᐅᒪᔪᕋᓱᐊᕈᑎᖏᓐᓂᒃ ᐅᓪᓗᓂ ᐊᒥᓱᓂ. ᐊᒻᒪᓗ ᐊᑲᐅᖏᓕᐅᕈᑎᖃᕐᑐᑦ ᐅᕐᓱᐊᓗᖃᖏᓐᓂᕐᒥᒃ ᐃᖏᕐᕋᐅᑎᖏᓐᓄᑦ. ᐃᓄᖏᑦ ᐊᑯᓂᐊᓗᒃ ᐅᑕᖅᑭᕙᑦᑐᑦ ᐆᒪᔪᕕᓂᕐᓂᒃ ᓂᕿᒃᓴᒥᓂᒃ ᐆᒪᔪᕐᓯᐅᕐᑎᓂᑦ.”
"In [Novoye-Chaplino], a community I grew up in, there is no food in the store except sugar, rice, and baking soda. The only food they are eating now is traditional food provided by the local hunters. The local hunters require written permission from local border guards to launch their boats to hunt for whales and walruses. If they return late, the guards withdraw the privilege to hunt for some days. It is also a problem to get fuel to run their motors. People wait a long time to get traditional food from hunters."
- ᐊᐃᓯᓯ ᑲᓇᑕᒥ ᑮᓇᐅᔭᓂᒃ ᓄᐊᑦᓯᒐᓱᐊᕈᑎᖏᑦ, 1999. ᐸᐸᑦᑎᕕᒻᒥᑦᑐᑦ ᖃᕆᑕᐅᔭᒃᑯᑦ ᐊᑐᐃᓐᓇᐅᓪᓗᑎᒃ.
ᐊᐃᓯᓯᒃᑯᑦ ᐊᕐᓱᕈᕐᔪᐊᕐᓯᒪᔪᑦ ᑕᖃᓚᐅᕐᓯᒪᒐᑎᒃ ᓄᓇᖃᖅᑳᕐᓯᒪᔪᓂᒃ ᓱᑲᑦᑲᒥ, ᓵᓐᖓᑦᓯᕙᑦᓱᑎᓪᓗ ᒐᕙᒪᓂᒃ ᐊᒻᒪ ᓯᓚᕐᔪᐊᒥ ᐃᑲᔪᕐᑎᐅᓪᓗᑎᒃ ᑲᑐᑦᔨᖃᑎᒌᓂᒃ. ᑭᓯᐊᓂ, ᐊᕐᓱᕈᕐᓇᕐᑐᒃᑯᕐᑎᓪᓗᒋᑦ, ᐱᓂᐊᕐᓂᖃᒻᒪᕆᓚᐅᕋᑦᑕ ᐃᑲᔪᕐᓯᒋᐊᖅ.
ᑲᓇᑕᐅᑉ ᒐᕙᒪᖏᑦ ᑐᓂᓯᖃᑦᑕᓚᐅᕐᓯᒪᖏᒻᒪᑕ ᑮᓇᐅᔭᓂᒃ ᐊᐃᓯᓯᒃᑯᓐᓄᑦ ᐃᑲᔪᒃᑲᓐᓂᕈᑎᒃᓴᖏᓐᓂᖅ ᐊᕐᓱᕈᕐᓇᕐᑐᒃᑯᕐᑐᓂᒃ. ᑭᓯᐊᓂ, ᐱᑐᒃᓯᒪᖃᑎᖃᐃᓐᓇᓚᐅᕐᑐᒍᑦ ᐃᓄᓐᓂᒃ ᓯᓚᕐᔪᐊᒥ - ᐱᖃᓯᐅᑎᓪᓗᑎᒃ North Slope Borough,ᒥᐅᑦ ᐊᓛᔅᑲᒥ, ᐸᕐᓇᒃᓯᒪᓚᐅᕐᒪᑕ ᓱᓕ ᑐᔪᐃᔪᒃᓴᐅᒋᐊᖅ ᐃᑲᔪᕈᑎᒃᓴᓂᒃ ᓱᑲᑦᑲᒧᑦ.
ᐊᔾᔨᒋᓪᓚᕆᓐᓇᒋᑦ ᑭᖑᓪᓕᕐᐹᒥ ᐃᑲᔪᕈᑎᒃᓴᓕᐅᕐᓂᒃᑯᑦ, ᐃᑲᔪᕈᑎᒃᓴᓂᒃ ᑲᒪᓚᐅᕐᑐᑦ ᓱᓇᕐᕈᑎᒃᓴᓂᒃ ᐆᒪᔪᕐᓯᐅᕐᓂᕐᒧᑦ ᐊᒻᒪ ᐃᖃᓪᓕᐊᕐᓂᕐᒧᑦ, ᓄᓇᖃᖅᑳᕐᓯᒪᔪᑦ ᓱᑲᑦᑲᒥᐅᑦ ᓱᓇᕐᕈᑎᒃᓴᖏᓐᓂᒃ ᐊᓐᓇᐅᒪᒐᓱᐊᕐᓂᕐᒧᑦ.
1999,ᒥ, ᑲᓇᑕᒥ ᐊᐃᓯᓯᒃᑯᑦ ᐱᒋᐊᕐᑎᑦᓯᓚᐅᕐᑐᑦ ᑲᓇᑕᒥ ᐃᓄᐃᑦ ᐃᑲᔪᕈᑎᒃᓴᓕᐅᕐᓂᖏᓐᓂᒃ, “Canadian Inuit Initiative”: ᑮᓇᐅᔭᓂᒃ ᓄᐊᑦᓯᒐᓱᐊᕐᕈᑎᓂᒃ ᓴᖓᑦᓯᒍᑎᒋᓪᓗᒋᑦ ᓄᓇᓕᓐᓂ ᐃᓄᓐᓂᒃ ᐊᒻᒪ ᑲᑐᔾᔨᖃᑎᒌᓂᒃ ᑲᓇᑕᓕᒫᒥ. ᐊᐃᓯᓯᒃᑯᑦ ᓴᓇᓯᒪᔪᓂᒃ ᓱᑲᑦᑲᒥ ᓴᓚᒃᓴᕈᑎᖃᕐᑎᑦᓯᓪᓗᑎᒃ ᐊᒻᒪ ᑐᓂᔭᐅᓪᓗᑎᒃ ᐊᒥᓱᓄᑦ ᐃᓄᓐᓄᑦ ᐊᒻᒪ ᐃᓄᐃᑦ ᖃᑐᔾᔨᖃᑎᒌᖏᓐᓄᑦ ᐃᑲᔪᕈᑎᓂᒃ..
ᑲᓇᑕᒥᐅᑦ ᐃᓄᐃᑦ ᐃᑲᔪᒃᑲᐅᓂᖏᓐᓄᑦ ᐊᒻᒪ ᐊᕐᓱᕈᓯᒪᓂᖏᑎᒍᑦ ᐊᐃᓯᓯᒃᑯᑦ ᐃᖅᑲᓇᐃᔭᕐᑎᖏᑕ ᓄᐊᑦᓯᓚᐅᕐᑐᑦ ᑮᓇᐅᔭᓂᒃ $21,000,ᓂᒃ ᐊᒥᓱᖏᓐᓂᕐᓴᓂ ᒪᕐᕉᒃ ᒪᕐᕉᓐᓂ!
ᐊᐃᓯᓯᒃᑯᑦ ᑐᔪᐃᓚᐅᕐᓯᒪᔪᑦ ᑲᑎᕐᓱᕐᓯᒪᔪᓂᒃ ᑮᓇᐅᔭᓂᒃ North Slope Borough,ᒧᑦ, ᐸᕐᓇᒃᓯᒪᔪᒃᑯᑦ ᓂᐅᕕᕈᓐᓇᕐᑐᓂᒃ ᐊᒻᒪ ᐊᐅᓪᓚᕐᑎᑦᓯᓪᓗᑎᒃ ᐅᒪᔪᕐᓯᐅᕈᑎᓂᒃ ᐃᖏᕐᕋᓪᓗᑎᒃ Bering Strait,ᑯᑦ ᓱᑲᑦᑲᒧᑦ.
ᐃᒫᒃ ᐊᑐᕆᐊᖃᓪᓚᑦᑕᓚᐅᕐᒪᐅᒃ ᐊᒪ ᑲᔪᓯᑦᓯᐊᕐᓱᑎᒃ, ᐃᑲᔪᕈᑎᓕᒫᑦ ᑭᓯᐊᓂ ᐊᑯᓂᐅᔪᒧᑦ ᑐᕌᖓᓇᑎᒃ. ᐱᓕᕆᐊᖑᔪᑦ ᐃᑲᔪᕈᑎᒃᓴᐃᑦ ᐊᑐᕈᓐᓇᕐᒪᑕ ᐊᑯᓂᐅᔪᒧᑦ ᐊᓯᔾᔨᕐᑐᕐᓂᒃᑯᑦ ᓱᓕᓗ ᐱᓕᕆᐊᕆᔭᐅᖏᓐᓇᕐᓱᑎᒃ…
ᖃᓄᐃᓘᕈᒪᓕᕐᓂᖏᑦ ᑭᖑᓪᓕᕐᒥ: INRIPP
ᐅᓛᓯᐊᒥ ᓄᓇᖃᖅᑳᖅᓯᒪᔪᓄᑦ ᐃᓕᓴᕈᑎᒃᓴᓂᒃ
(Institution Building for Northern Russian Indigenous Peoples’ Project)
"'ᑕᐃᒪᓕ ᐃᑲᔪᕈᒪᓐᓂᕈᕕᑦ, ᑐᓂᓯᑐᐃᓐᓇᖏᓪᓗᒍ ᐃᖃᓗᒻᒥ ᐊᖑᑎ, ᐃᓕᓴᖔᕐᓗᒍ ᐃᖃᓪᓕᐊᕆᐊᖅ ᐊᒻᒪ ᐃᓕᓴᕐᓗᒍ ᖃᓄᖅ ᐊᑐᕐᑐᒃᓴᐅᒋᐊᖓ ᐃᖃᓗᒐᓱᒍᑎᓂᒃ.'"
"'If you want to help, do not give the man a fish, teach him how to make fishing tackle and teach him how to use it.'"
- ᑎᑎᖅᑲᐃᑦ ᓚᕆᓴ ᐊᐳᕈᑎᓇᒥᑦ (Larisa Abrutina), ᐊᖓᔪᖅᑳᑉ ᑐᓪᓕᐊᓂᑦ RAIPON,ᑯᓐᓄᑦ, ᑐᕌᕐᑐᑦ ᓰᓚ ᕗᐊᑦ-ᒃᓄᓴᐃᒧᑦ, ᐊᖓᔪᖅᑳᖓᓄᑦ ᑲᓇᑕᒥ ᐊᐃᓯᓯᒃᑯᓐᓄᑦ, ᐅᒃᑐᐱᕆ 13, 1999,ᒥ. ᐸᐸᑎᑎᕕᒻᒥᑦᑐᑦ ᑕᐅᔭᐅᒍᓯᖏᑦ ᐊᑐᐃᓐᓇᐅᔪᑦ ᖃᕆᑕᐅᔭᒃᑯᑦ.
ᑐᐊᕕᕐᓇᕐᑐᒃᑯᑦ ᐃᑲᔪᕐᓂᒃᑯᑦ ᐃᓅᓯᕐᓂᒃ ᐊᓐᓇᐃᓯᒪᔫᒐᓗᐊᑦ, ᑭᓯᐊᓂ ᓄᓇᖃᖅᑳᕐᓯᒪᔪᑦ ᐅᓛᓯᐊᑉ ᐅᑭᐅᕐᑕᕐᑐᐊᓂ ᐃᑲᔪᕐᑕᐅᒋᐊᓪᓚᒋᐊᖃᒻᒪᕆᑐᑦ ᑐᐊᕕᕐᓇᕐᑐᒃᑯᑦ.
ᐃᒻᒥᓂᒃ ᒪᑭᑕᒍᓐᓇᕆᐊᓖᑦ, ᑭᓯᐊᓂᓗ ᐅᖃᓕᒪᒍᔾᔨᒍᓐᓇᕐᓗᑎᒃ ᐃᒻᒥᓂᒃ, ᓂᐱᒥᓂᒃ ᑐᓴᕐᑕᐅᑎᑦᓯᓂᒃᑯᑦ ᓯᕗᓕᐅᕐᑎᓕᒫᓂᒃ ᓯᓚᕐᒥ.
ᐱᔾᔪᑎᒋᓪᓗᒍ ᓴᓐᖏᔪᒃᑯᑦ ᐱᓕᕆᖃᑎᖃᖅᓯᐊᕐᓂᖏᑦ ᑲᓇᑕᒥ ᐊᐃᓯᓯᒃᑯᑦ ᐊᒻᒪ RAIPON,ᑯᑦ ᐊᒻᒪ ᐅᓛᓯᐊᒥ ᓯᕗᓕᕐᑎᓂᒃ, ᐃᑲᔪᕈᓐᓇᕐᓯᓚᐅᕋᑦᑕ ᐱᓕᕆᖃᑎᒌᓐᓂᒃᑯᑦ ᐸᕐᓇᐃᓯᒪᓂᑦᑎᓐᓄᑦ ᑕᐃᒪᖓᓂᑦ ᓯᕗᓂᐊᓂ 1994: ᐅᓛᓯᐊᒥ ᓄᓇᖃᖅᑳᖅᓯᒪᔪᓄᑦ ᐃᓕᓴᕈᑎᒃᓴᓂᒃ “Institution-Building for Northern Russian Indigenous Peoples' Project,” ᐅᕝᕙᓘᓐᓃᑦ INRIPP.
ᐱᒋᐊᕐᓱᑎᒃ 1996,ᒥᑦ 2006,ᒧᑦ, ᑲᓇᑕᒥ ᐊᐃᓯᓯᒃᑯᑦ ᐱᓕᕆᖃᑎᖃᓚᐅᕐᑐᑦ ᐅᓛᓯᐊᒥ ᓄᓇᖃᖅᑳᕐᓯᒪᔪᓂᒃ ᐱᓕᕆᓪᓗᑎᒃ INRIPP,ᓂᒃ ᐊᒻᒪ ᑭᖑᓂᐊᓂ, INRIPP-2. ᑲᑐᑎᓪᓗᑎᒃ RAIPON,ᑯᓪᓗ ᐱᓕᕆᖃᑎᖃᕈᒪᓂᒃᑯᑦ ᓄᓇᖃᖅᑳᕐᓯᒪᔪᑦ ᑲᑐᔾᔨᖃᑎᒌᖏᓐᓂᒃ ᓇᓂᒃᑲᓗᐊᕐᐸᑕ ᑭᓪᓕᓕᐅᕐᑕᐅᓯᒪᔪᒃᑯᑦ ᓴᖅᑭᑎᑦᓯᓚᐅᕐᑐᑦ ᑲᒪᓇᕐᑐᓂᒃ.
INRIPP-2 ᐱᓕᕆᓂᕐᒧᑦ ᑲᑎᒪᔨᕈᓯᐅᔪᖅ ᑲᑎᓚᐅᕐᓂᖏᑦ ᓴᓕᑳᑦᒥ 2004. ᐊᔾᔨᓕᐊᖓ: ᐅᑭᐅᕐᑕᕐᑐᓕᒫᒧᑦ ᑲᑎᒪᔨᕐᔪᐊᑦ ᑲᓇᑕᒥ ᐸᐸᑕᖏᑦ.
INRIPP-2 ᐱᓕᕆᓂᕐᒧᑦ ᑲᑎᒪᔨᕈᓯᐅᔪᖅ ᑲᑎᓚᐅᕐᓂᖏᑦ ᓴᓕᑳᑦᒥ 2004. ᐊᔾᔨᓕᐊᖓ: ᐅᑭᐅᕐᑕᕐᑐᓕᒫᒧᑦ ᑲᑎᒪᔨᕐᔪᐊᑦ ᑲᓇᑕᒥ ᐸᐸᑕᖏᑦ.
INRIPP ᐃᑲᔪᕐᓯᒻᒪᑕ ᓄᓇᖃᖅᑲᕐᓯᒪᔪᓂᒃ ᐅᑭᐅᕐᑕᕐᑐᐊᓂ ᐅᓛᓯᐊᑉ ᐱᓕᕆᖃᑎᖃᓂᒃᑯᑦ ᓄᓇᖓᓂ ᐊᒻᒪ ᓯᓚᕐᔪᐊᒥ ᑲᑎᒪᒍᑎᖃᓂᒃᑯᑦ. ᐱᓕᕆᐊᖑᔪᑦ ᑲᒪᒋᔭᐅᓚᐅᕐᑐᑦ ᑲᑐᑎᓪᓗᑎᒃ ᐊᐃᓯᓯᒃᑯᓪᓗ ᑲᓴᑕᒥ ᐃᑲᔪᕈᑎᒃᓴᓕᕆᓂᕐᒧᑦ, ᑲᔪᓯᒋᐊᓪᓚᒍᑎᒋᓚᐅᕐᓱᒍᓗ ᐃᑲᔪᕈᒪᓂᕐᒧᑦ. ᖃᐅᔨᒋᐊᒃᑲᓐᓂᕈᓐᓇᕐᑐᑎᑦ ᐱᓕᕆᐊᖑᓯᒪᔪᑦ ᒥᒃᓵᓄᑦ ᑲᓇᑕᒥ ᐊᐃᓯᓯᒃᑯᑦ ᑎᑎᖅᑲᓂᒃ ᐸᐸᑦᑎᕕᐊᓂ.
INRIPP-2 ᐃᒃᐱᔭᖃᓂᕐᓴᐅᓚᐅᕐᒪᑕ ᓇᒻᒥᓂᖃᓂᕐᒥᒃ: ᐃᓕᓴᐃᒍᓐᓇᕐᓂᒃᑯᑦ, ᑲᑎᒪᑎᑦᓯᓂᒃᑯᑦ, ᐊᒻᒪ ᐱᓕᖃᑎᒌᓐᓂᒃᑯᑦ, ᐊᒻᒪ ᐃᑲᔪᕐᓂᕐᒧᑦ ᐱᕙᓪᓕᐊᑎᑦᓯᓂᕐᒥᒃ ᑮᓇᐅᔭᓕᐅᕈᑎᒃᓴᓂᒃ ᐊᒻᒪ ᒥᐊᓂᕐᓯᖃᑎᒌᓐᓂᕐᒧᑦ ᓄᓇᒥᐅᑕᓕᕆᓂᕐᒥᒃ.
ᒧᒥᕐᑏᑦRAIPON,ᑯᑦ ᑲᑎᒪᑎᓪᓗᒋᑦ, ᐊᐃᕆᓕ 2005. ᐊᔾᔨᓕᐊᖓ: ᐅᑭᐅᕐᑕᕐᑐᓕᒫᒧᑦ ᑲᑎᒪᔨᕐᔪᐊᑦ ᑲᓇᑕᒥ ᐸᐸᑕᖏᑦ.
ᒧᒥᕐᑏᑦRAIPON,ᑯᑦ ᑲᑎᒪᑎᓪᓗᒋᑦ, ᐊᐃᕆᓕ 2005. ᐊᔾᔨᓕᐊᖓ: ᐅᑭᐅᕐᑕᕐᑐᓕᒫᒧᑦ ᑲᑎᒪᔨᕐᔪᐊᑦ ᑲᓇᑕᒥ ᐸᐸᑕᖏᑦ.
ᑲᓇᑕᒥ ᐊᐃᓯᓯᒃᑯᑦ ᐊᕐᓱᕈᓚᐅᕐᑐᑦ ᐱᓕᕆᐊᖃᕐᓱᑎᒃ INRIPPᑯᓐᓂᒃ ᐃᑲᔪᕐᓱᑎᒃ ᑐᓐᖓᕕᒃᓴᓕᐅᕐᑎᓪᓗᒋᑦ ᐅᑯᓄᖓ RAIPON, ᐃᑲᔪᕈᑎᒃᓴᓂᒃ ᓄᓇᖃᖅᑳᕐᓯᒪᔪᓄᑦ ᐅᑭᐅᕐᑕᕐᑐᐊᓂ ᐅᓛᓯᐊᑉ ᐃᒫᒃ ᐃᒻᒥᒃᑯᑦ ᐊᐅᓚᑦᓯᒍᓐᓇᕆᐊᖅ ᐊᕐᓱᕈᕈᑎᒋᔭᒥᓂᒃ, ᐊᒻᒪ ᐊᓐᓇᐅᒪᓂᑐᐃᓐᓇᐅᖏᑦᑐᒃᑯᑦ, ᑭᓯᐊᓂ ᓯᕗᒧᑦ ᒪᑭᑕᒐᓱᐊᕐᓂᒃᑯᑦ.
ᐊᑕᐅᓯᐅᓕᖓᓂᖓ ᐅᑭᐅᕐᑕᕐᑑᑉ - ᐊᑕᐅᓯᐅᓕᖓᓂᖏᑦ ᐃᓄᖏᑕ
ᓯᓚᕐᔪᐊᑉ ᐅᑭᐅᕐᑕᕐᑐᐊᓂ ᐃᓄᐃᑦ ᐊᕐᓱᕈᖏᓐᓇᕐᐸᑦᑐᑦ ᐅᓪᓗᑕᒫᖅ ᑲᑎᑎᑦᓯᓇᓱᐊᕐᓱᑎᒃ ᐃᓄᓐᓂᒃ ᐱᓕᕆᐊᖃᓗᑎᒃ ᐅᑭᐅᕐᑕᕐᑐᒥ ᐱᔾᔪᑕᐅᔪᓂᒃ ᐊᒻᒪ ᐃᓄᐃᑦ ᐅᖃᐅᓯᖏᓐᓂᒃ ᑐᓴᕐᓗᑎᒃ.
ᐃᓄᐃᑦ ᓄᓇᖏᓐᓂ - ᓄᓇᓕᒫᓂ ᑕᐃᔭᐅᔪᓂ ᐅᓪᓗᒥ ᑲᓇᑕ, ᐊᓛᔅᑲ, ᑲᓛᓪᓕᑦ ᓄᓇᑦ, ᐊᒻᒪ ᓱᑲᑦᑲ - ᐃᓄᖏᑦ ᐅᑭᐅᕐᑕᕐᑐᒥᑦᑐᐃᓐᓇᐅᒐᒥᒃ ᑕᐃᒫᑦᓴᐃᓐᓇᖅ ᐱᔾᔪᑎᖃᑐᑦ, ᐊᒻᒪ ᓯᕗᓂᒃᓴᒥᓂᒃ ᐊᑐᖃᑦᑕᐅᑎᓪᓗᑎᒃ.
ᑭᓪᓕᓕᐅᕐᑕᐅᓯᒪᔪᑦ ᓱᖁᑎᒋᓇᒋᑦ ᐃᑲᔪᕈᒪᓂᖃᕐᑐᒍᑦ ᐃᓅᖃᑎᑦᑎᓐᓂᒃ ᐊᒻᒪ ᐱᓕᕆᖃᑎᖃᓗᑕ ᓄᓇᖃᖅᑳᕐᓯᒪᔪᓂᒃ ᓯᓚᕐᔪᐊᒥ, ᐃᒫᒃ ᐊᐃᓯᓯᒃᑯᑦ ᐊᑐᕐᓯᒪᔭᖏᑦ ᐃᓄᐃᑦ ᐱᖅᑯᓯᕆᓯᒪᒻᒪᒋᑦ, ᐊᒻᒪ ᐅᐱᒍᓱᒃᑲᑦᑕ ᐱᓕᕆᖃᑎᖃᕆᐊᖅ ᐃᓄᓕᒫᓂᒃ ᓯᓚᕐᔪᐊᒥ.
ᑐᓐᖓᓱᒃᑎᑕᐅᕗᓯ ᑕᑯᒋᐊᕆᐊᖅ ᑲᓇᑕᒥ ᐊᐃᓯᓯᒃᑯᑦ ᐸᐸᑦᑎᕕᐊᓂ ᖃᕆᑕᐅᔭᓃᑦᑐᓂᒃ ᐊᒻᒪ ᑕᑯᒋᐊᒃᑲᓐᓂᕈᓐᓇᕐᑐᓯ ᐱᓕᕆᐊᕆᓯᒪᔭᖏᓐᓂᒃ ᑲᒪᓇᕐᑐᓂᒃ ᐃᓄᐃᑦ ᓯᓚᕐᔪᐊᒥᐅᖃᑎᒌᑦ.
ᑐᑭᓯᐊᕐᕕᒃᓴᐃᑦ:
1st General Assembly, 1977 series. F3-S1, ICC Canada Archives, Ottawa. https://iccc-archives.andornot.net/link/description5090
3rd General Assembly, 1983 series. F3-S3, ICC Canada Archives, Ottawa. https://iccc-archives.andornot.net/link/description4899
5th General Assembly, 1989 series. F3-S5, ICC Canada Archives, Ottawa.
1988 trip to Chukotka series. F2-S7, ICC Canada Archives, Ottawa.
Art and object collection. AO, ICC Canada Archives, Ottawa. https://iccc-archives.andornot.net/list?q=&p=1&ps=20&sort=title_sort%20asc&src_facet=Sanaugait%20piqutiviniillu
Ashbury, Doug. "In search of aid." Yellowknifer. January 8, 1999, 3.
Bourgeois, Annette. "The "Inuit Express" sets out for the Russian Far East." Nunatsiaq News. January 8, 1999, 19.
Canadian humanitarian aid to Northern Russia series. F1-S10, ICC Canada Archives, Ottawa. https://iccc-archives.andornot.net/link/description10063
ICC Canada, "Can you help Inuit from Chukotka?" advertisement, Inuktitut, 2002. https://www.itk.ca/wp-content/uploads/2016/10/2002-0091-InuktitutMagazine-IUCANS-IULATN-EN-FR.pdf
"ICRC Food Parcel," Canadian Red Cross, accessed September 2, 2023. https://www.redcross.ca/history/artifacts/icrc-food-parcel
INRIPP fonds. F7, ICC Canada Archives, Ottawa. https://iccc-archives.andornot.net/link/description1064
INRIPP-2 fonds. F8, ICC Canada Archives, Ottawa. https://iccc-archives.andornot.net/link/description1771
Kumo, Kazuhiro, and Tamara Litvinenko. 2019. "Post-Soviet Population Dynamics in the Russian Extreme North: A Case of Chukotka." Polar Science, ISAR-5/ Fifth International Symposium on Arctic Research, 21 (September): 58–67. https://doi.org/10.1016/j.polar.2018.11.002.
McAdams, Lisa. "World: International Red Cross And Red Crescent Societies Seek To Help Vulnerable." RadioFreeEurope/RadioLiberty, March 9, 1999. https://www.rferl.org/a/1090759.html
Schodolski, Vincent. "Soviet Bread Prices Skyrocket by 600%." Chicago Tribune. November 13, 1991. https://www.chicagotribune.com/news/ct-xpm-1991-11-13-9104110945-story.html
Walker, Ruth. "Canadian Inuit Help Out Their Russian Kin." The Christian Science Monitor. January 8, 1999, 8.
Built with Shorthand